TANZANIA NA CHAMA CHA UTAWALA WA SHERIA CHA KIMATAIFA CHA IRELAND KUKOMESHA UNYANYASAJI WA KIJINSIA

Wanachama wa Chama cha Utawala wa Sheria cha Kimataifa cha Ireland wakiwa katika kikao na wataalam kutoka Wizara ya Katiba na sheria kwenye kikao chao kuangalia maeneo ambayo wanaweza kushirikiana ili kuiboresha sekta ya Sheria nchini.

Mkurugenzi wa Idara ya Rasilimali za Asili Bibi neema Mwanga (kulia) kutoka Wizara ya Katiba na Sheria akisisitiza jambo kwenye kikao na wageni kutoka  Chama cha Utawala wa Sheria cha Kimataifa cha Ireland walipokuwa wakijadiliana maeneo ambayo wanaweza kushirikiana ili kuiboresha sekta ya Sheria nchini.
Picha ya pamoja ya Wakurugenzi wa Wizara ya Katiba na sheria na wageni kutoka Chama cha Utawala wa Sheria cha Kimataifa cha Ireland baada ya kumaliza kikao chao.

XXXXXXXXXXXXXXXXXXXXXXXXXXXXXXXXXXXXXXXXX

Wizara ya Katiba na Sheria kwa kushirikiana na Chama cha Utawala wa Sheria cha Ireland wajipanga kukomesha unyanyasaji wa kijinsia na watoto nchini.

Katika kikao kilichofanyika Wizarani hapo mapema leo Mtumba, jijini Dodoma, wataalam kutoka Chama cha Utawala wa Sheria cha Ireland wameahidi kushirikiana kwa karibu na Wizara ya Katiba na Sheria na Taasisi zake ikiwemo Mahakama katika kuzuia unyanyasaji wa kijinsia na watoto kwani ni tatizo linaloonekana kushika kasi kwa sasa.

Akizungumza katika kikao kutazama maeneo ya ushirikiano baina ya Taasisi hizi mbili Kaimu Mkurugenzi wa Idara ya Huduma za Kisheria kwa Umma Bw. Griffin Mwakapeje alisema ili kuleta matokeo chanya katika sekta ya sheria kwa sasa Tanzania inahitaji kushirikiana na wadau mbalimbali katika maeneo muhimu ikiwemo kuzuia unyanyasaji wa aina mbalimbali na kuwajengea uwezo watumishi kama Mawakili, Makarani na Mahakimu ili kuwawezesha kusimamia haki nchini.

Aidha, Bw. Griffin aliongeza kuwa wanawake wanaofanya shughuli za uchimbaji wa madini wanakumbana na changamoto nyingi kwani huko kuna unyanyasaji wa aina mbalimbali ikiwepo wa kijinsia hivyo ni muhimu jamii ielimishwe namna ya kulinda na kutetea haki zao ili waweze kufaidika na rasilimali za asili.

Chama cha Utawala wa Sheria cha Ireland kimekuwa kikitoa mchango mkubwa katika upatikanaji wa haki kwenye nchi mbalimbali za Afrika ikiwemo Tanzania.

Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more