MFUMO WA MASHTAKA UFANANE NCHI NZIMA - MPANJU


Naibu Katibu Mkuu Wizara ya Katiba na Sheria Ndg. Amon Mpanju (katikati) akifungua kikao kazi cha siku tatu jijini Arusha cha wataalamu kutoka sekta ndogo ya haki jinai cha kukusanya maoni yatakayowezesha  kuandaa Sera ya Taifa ya Mashtaka nchini.




Washiriki wa kikao kazi cha kukusanya maoni yatakayowezesha kuandaa Sera ya Taifa ya Haki Jinai wakisikiliza hotuba ya ufunguzi kutoka kwa Naibu Katibu Mkuu (hayupo pichani).

XXXXXXXXXXXXXXXXXXX

Naibu Katibu Mkuu wa Wizara ya Katiba na Sheria Ndg. Amon Mpanju ataka mfumo wa mashtaka nchini uwe unaoeleweka, uliowazi na unaofanana nchi nzima.

Ndg. Mpanju ameyasema hayo leo June 21, 2021 jijini  Arusha wakati akifungua kikao kazi cha wadau kutoka sekta mbalimbali za haki jinai zilizokutana pamoja katika kikao cha siku tatu cha kupata maoni yatakayowezesha kuandaa sera ya taifa ya mashtaka nchini.

“Wadau wote muhimu wamehudhuria kikao hiki na nategemea mtashirikiana kuweka mfumo wa mashtaka unaoeleweka, uliowazi na unaofanana nchi nzima na kuandaliwa kwa sera hii ya taifa ya mashtaka haimaanishi kuwa itaingilia madaraka ya Mkurugenzi wa mashtaka nchini  na kushindwa kufanya majukumu yake” amesema.

Aliongeza kuwa madhumuni ya kukutana katika kikao kazi hicho ni kudadavua, kutoa mawazo na mapendekezo na kupitia sheria zilizowekwa za haki jinai ili kupata sera ya taifa ya haki jinai itakayotuvusha miaka kumi ijayo na kuweka vizuri mfumo wa haki jinai.

Naibu Katibu Mkuu huyo amewataka washiriki hao kushirikiana na kutumia utaalamu wao ili kupata sera inayotakiwa kwani sera hiyo ikikaa sawa haki za binadamu zitalindwa, mfumo wa haki jinai utaeleweka na wananchi watatii sheria.

Pia alisema, sera hii ya taifa ya mashtaka ikikaa vizuri itasaidia mfumo wa mashtaka nchini na maoni yatakayotolewa yatasambazwa kwenye taasisi zote za haki jinai ili kupata sera nzuri zaidi.

Awali akimkaribisha Naibu Katibu Mkuu huyo kuongea na washiriki wa kikao, Mkurugenzi wa Idara ya Katiba na Ufuatiliaji Haki Bw. Patience Ntwina amewasisitiza washiriki hao kutoa mawazo yao ili kufanikisha kupatikana kwa sera ya taifa ya mashtaka iliyo bora na itakayosaidia mfumo wa haki jinai.


Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more