WANAHABARI WAJENGEWA UWEZO WA NAMNA YA UTOAJI TAARIFA ZA UKATILI WA KIJINSIA.

Katibu Mkuu wa Wizara ya Katiba na Sheria Bi. Mary Makondo akiongea na Wahariri na Waandishi wa habari wanaohudhuria mafunzo ya namna ya utoaji wa taarifa za ukatili wa kijinsia , leo 17 Mei, 2022. katika ukumbi wa Mt. Meru Arusha.



Mkurugenzi wa Idara ya Utoaji Huduma za Kisheria Wizara ya Katiba na Sheria, Bw. Griffin Mwakapeje akitoa salamu za ukaribisho kwa mgeni Rasmi na Wahariri na Waandishi wa Habari wanaohudhuria mafunzo ya namna ya utoaji taarifa za ukatili wa kijinsia, leo 17 Mei, 2022  katika ukumbi wa Mt. Meru Arusha.

XXXXXXXXXXXXXXXXXXXXXXX



Katibu Mkuu wa Katiba na Sheria, Bi. Mary Makondo amefungua mafunzo ya siku mbili ya namna ya utoaji taarifa za ukatili wa kijinsia kwa Wahariri na Waandishi wa habari kutoka vyombo mbalimbali vya habari nchini. Mafunzo hayo yameanza leo tarehe 17 Mei, 2022 Jijini Arusha.

Akifungua mafunzo hayo yaliyoandaliwa na Wizara ya Katiba na Sheria, Bi. Makondo amesema lengo la mafunzo ni kujengeana uwezo, kujifunza, kubadilishana uzoefu, mbinu na kujadiliana kuhusu nafasi ya Waandishi wa Habari na Wahariri katika kutokomeza ukatili wa kijinsia katika jamii zetu.

Bi. Makondo amesema kumekuwa na ongezeko la matukio ya ukatili na unyanyasaji wa kijinsia na uhalifu kama vile, ubakaji, ndoa za utotoni, ukeketaji, ukatili wa majumbani, wajane kupokwa mali za wenza wao na mauaji.

"Katika kukabiliana na ukatili wa kijinsia, Serikali imekuwa ikichukua hatua mbalimbali ikiwa ni pamoja na kuwashirikisha wadau wake katika mapambano hayo. Miongoni mwa hatua hizo ni pamoja na kuimarisha mifumo ya kisheria na utoaji haki, huduma za afya, elimu, kuanzisha vituo vya huduma kwa manusura wa ukatili na kuwafikisha kwenye vyombo vya dola, ikiwemo mahakamani wote wanaotuhumiwa na makosa ya ukatili. " alisema Bi. Makondo.

Aidha, Serikali imewezesha kutungwa kwa sheria ya Msaada wa kisheria kwa lengo la kumeimarisha upatikanaji haki kwa watu wasio na uwezo wa kumudu gharama za mawakili. Kwa sasa Wananchi wana uwezo wa kutafuta na kupata afua za kisheria kwa kutumia njia mbadala za utatuzi wa migogoro nje ya Mahakama. Haya yote ni juhudi za Serikali kupitia Wizara ya Katiba na Sheria na kwa kushirikiana na wadau mbalimbali wakiwemo Wahariri na Waandishi wa habari.

Bi. Makondo ametoa rai kwa Wanahabari kuzingatia maadili ya uandishi na kulinda waathirika wa unyanyasaji wa kijinsia wakati wa utoaji taarifa ili kuepuka athari zaidi kwa wahanga wa matukio haya

Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more