DKT. NDUMBARO AIASA JAMII KUACHA VITENDO VYA UKATILI


Mkurugenzi wa Idara ya Haki za Binadamu kutoka Wizara ya Katiba na Sheria Bi. Nkasori Sarakikya akifungua kikao cha mtandao wa masuala ya familia kuhusu upatikanaji wa sheria ya kupinga ukatili wa kijinsia.
Meza kuu.

Washiriki.

Picha ya pamoja.

 XXXXXXXXXXXXX

Waziri wa Katiba na Sheria Mhe. Dkt. Damas Ndumbaro ameiasa jamii kuachana na Vitendo vya ukatili wa kijinsia.

Hayo yamesemwa na Mkurugenzi wa Idara ya Haki za Binadamu kutoka Wizara ya Katiba na Sheria Bi. Nkasori Sarakikya kwa niaba ya Dkt. Ndumbaro katika ufunguzi wa kikao cha mtandao wa masuala ya familia na Wadau kutoka  Wizara  mbalimbali kuhusu upatikanaji wa sheria ya kupinga ukatili wa kijinsia kilichofanyika Novemba 16, 2022 mjini Morogoro.

Amesema, "kama tunataka kuwa na jamii imara, ni lazima sote tuungane na kupinga Vitendo vyovyote vya ukatili"

Vilevile, katika hotuba yake Dkt. Ndumbaro amewataka Wadau hao kusaidiana na serikali kutoa elimu na kuendelea kukemea vitendo vya ukatili kwani hata kama kutakuwa na sheria nzuri, lakini jamii haina uelewa wa masuala ya ukatili wa kijinsia mapigano ya ukatili wa kijinsia hayatafanikiwa ipasavyo.

Dkt. Ndumbaro, pia alitoa rai kuwa mapendekezo yanayotolewa na Wadau yachukuliwe kwa makini na kuwasilishwa kwa Waziri wa Katiba na Sheria ili aweze kuyashughulikia kwa  mujibu wa sheria.

Akimkaribisha mgeni rasmi kufungua kikao hicho Mwenyekiti wa mtandao wa familia Wakili Utti Mwang'amba amesema mtandao wa masuala ya familia uliundwa ili kuhakikisha ukatili wa kijinsia ambao umeshamiri kwenye jamii unatokomezwa na kuwa na jamii iliyo salama.

Ameongeza kuwa kutungwa kwa sheria hiyo kutasaidia jamii kuepukana na vitendo hivyo kwani adhabu zitakazotolewa zinaweza kuleta uoga wa kufanya vitendo hivyo.

Kikao hicho kimeandaliwa ili kuandaa na kupeleka mapendekezo Serikalini ya wataalam kutoka Serikalini na taasisi binafsi juu ya hoja ya kuwa na sheria ya kupinga ukatili wa kijinsia

Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more