MALALAMIKO YA WANAFUNZI WA LAW SCHOOL HAYANA USHAHIDI


Waziri wa Katiba na Sheria Mhe. Dkt. Damas Ndumbaro (katikati) akipokea ripoti ya tathmini ya mafunzo yanayotolewa na Taasisi ya Mafunzo ya Uanasheria kwa Vitendo Tanzania (law school) kutoka kwa Mwenyekiti wa Kamati hiyo Dkt. Harrison Mwakyembe. Anayeshuhudia ni Katibu Mkuu wa Wizara hiyo Bi. Mary Makondo.

Dkt. Ndumbaro akikabidhi ripoti kwa Katibu Mkuu Bi. Mary Makondo.


Dkt. Ndumbaro akikabidhi ripoti kwa Naibu Katibu Mkuu Dkt. Khatibu Kazungu.


Mwenyekiti wa Kamati Dkt. Harrison Mwakyembe (mwenye kofia) akielezea jambo.

Picha ya Viongozi wa wizara na Wajumbe wa Kamati.

XXXXXXXXXXXXXXXX

Kamati ya Tathmini ya Mafunzo yanayotolewa na Taasisi ya Mafunzo ya Uanasheria Kwa Vitendo Tanzania yakosa ushahidi wa kuthibitisha tuhuma za rushwa, uonevu na upendeleo katika utungaji na usahihishaji wa mitihani zilizotolewa na wanafunzi wa kundi la 33.

Hayo yamebainishwa Leo Novemba 20, 2022 wakati Kamati hiyo ikikabidhi ripoti ya tathmini hiyo Kwa Waziri wa Katiba na Sheria Mhe. Dkt Damas Ndumbaro, jijini Dar Es Salaam.

Mwenyekiti wa Kamati hiyo Dkt. Harrison Mwakyembe amesema kwa kuzingatia unyeti wa Taasisi na wajibu ilionao ambao unahitaji uadilifu, Kamati imewasilisha majina ya Wakufunzi waliotajwa katika tuhuma hizo kwa uongozi wa juu wa Taasisi ili uweze kufuatilia mienendo yao.

Vilevile, Kamati hiyo imepokea malalamiko kutoka kwa wanafunzi wa Taasisi hiyo kuhusu zoezi la ukataji wa rufaa wanapokuwa hawakubaliani na matokeo, na kamati hiyo katika tathmini yake imegundua kwamba, utaratibu wa rufaa haujakaa vizuri kwani haumpi mlalamikaji kujua kwa uhakika msingi wa malalamiko yake.

Aidha, Kamati imebaini changamoto kadhaa ikiwemo ukosefu wa Mahakama ya kufundishia, uchakavu wa miundombinu,  uwezo mdogo wa wanafunzi wanaojiunga na Taasisi hiyo, na vyuo vingi vya sheria kutozingatia uwiano wa walimu na wanafunzi.

Vilevile Kamati hiyo imeshauri Baraza la Elimu ya Sheria (CLE) ambalo ndilo lenye mamlaka ya kusimamia na kuishauri Serikali kuhusu elimu na taaluma ya sheria nchini liundiwe sekretarieti, kupewa ofisi na bajeti yake ili liweze kutekeleza majukumu yake yaliyoainishwa kisheria.

Naye, Waziri wa Katiba na Sheria Mhe Dkt. Damas Ndumbaro ameishukuru Kamati hiyo kwa tathmini waliyoifanya na kuahidi kushughulikia yale yote yaliyobainishwa katika ripoti waliyokabidhi.

 


Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more