WATUMISHI KATIBA NA SHERIA WATAKIWA KUCHAPA KAZI NA KUZINGATIA UADILIFU NA NIDHAMU

Waziri wa Katiba na Sheria Mhe. Dkt. Damas Ndumbaro akiongea na watumishi wa Wizara hiyo.


Viongozi waliowahi kuongoza katika wizara hiyo kwa nafasi mbalimbali wakikabidhiwa zawadi.


Watumishi wastaafu wakikabidhiwa zawadi.

XXXXXXXXXXXXXXXXXXXX

Watumishi wa Wizara ya Katiba na Sheria wametakiwa kuelewa majukumu waliyonayo si lelemama hivyo wayatekeleze kwa kuzingatia uchapakazi, uadilifu, nidhamu na kufanya kazi kama timu ili kuweza kuleta matokeo mazuri ya kazi zao.

Hayo yamesemwa na Waziri wa Katiba na Sheria Mhe. Dkt. Damas Ndumbaro Novemba 3, 2022 jijini Dodoma alipokutana na kufanya mazungumzo na watumishi hao kabla ya hafla ya kuwaaga viongozi na watumishi wa Wizara hiyo waliostaafu.

Waziri Ndumbaro amesema ‘’Wizara hii ni wizara kubwa na nyeti kwa sababu imeshikilia Katiba ya nchi, pia inashughulika na sheria ambayo ndiyo kila kitu katika utawala wa nchi’’

Dkt. Ndumbaro ameongeza kuwa ‘’Nataka muelewe kwamba jukumu tulilonalo si lelemama tutaweza kulitekeleza tukizingatia uchapakazi, uadilifuna nidhamu na kufanya kazi kama timu’’

Dkt. Ndumbaro amesisitiza kuwa ni lazima watumishi wajitume, wawe na maadili na nidhamu ya kazi na Wakuu wa Idara na Vitengo wajue uwezo wa watumishi wanaowasimamia ili kujenga taswira mpya ya wizara.

Mbali na hayo Dkt. Ndumbaro amewaasa watumishi hao kuwa ‘’wajibu wetu ni kuendelea kushirikiana tuishi kama familia, nataka hii wizara iwe sehemu nzuri Zaidi ya mtu kufanya kazi’’

Naye Katibu Mkuu Bi. Mary Makondo amemhakikishia Waziri kuwa maelekezo yake yamepokelewa na kumuahidi watumishi watafanya kazi kwa bidii na kuendelea kuwa wabunifu ili kuleta matokeo chanya kwa wizara.

Bi. Makondo amesema ‘’tukuahidi tumesikia maelekezo yako na tutaendelea kuwa wabunifu, tuna jukumu kubwa la kuwajibikja ipasavyo na tutafanya kazi kwa weledi’’.

Wakati huohuo kwenye hafla ya kuwaaga viongozi na watumishi waliostaafu Dkt. Ndumbaro aliwashukuru kwa utumishi na kuthamini mchango wao katika kipindi walichotumikia wizara hii kwa kuwakabidhi zawadi mbalimbali kama ukumbusho kwao.

Viongozi waliowahi kuongoza wizara hii na kuagwa jana ni pamoja na Mhe. George Simbachawene, Mhe. Prof. Palamagamba Kabudi, Prof. Sifuni Mchome na Bw. Amon mpanju.

Watumishi wengine walioagwa ni Bw. Simbaufoo Swai, Bi. Diana Makule, Bi. Iluminata Matindi na Bw. Amani Goha.

 

Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more