NDUMBARO AZINDUA KITABU CHA MASUALA YA AJIRA NA SHERIA ZA KAZI


 Waziri wa Katiba na Sheria Mhe. Dkt. Damas Ndumbaro akionesha kitabu alichokizindua chenye kurasa Zaidi ya 900. Kulia kwake ni mwandishi wa kitabu hicho Wakili Ally Kileo na kushoto ni Prof. Chris Peter Maina.


Mgeni Rasmi Waziri wa Katiba na Sheria Mhe. Dkt. Damas Ndumbaro na mwandishi wa kitabu hicho Wakili Ally Kileo pamoja na wageni wengine waalikwa wakiwa katika picha ya pamoja baada ya uzinduzi wa kitabu hicho.


Wakili Ally Kileo ikimkabidhi Mgeni Rasmi Mhe. Dkt. Damas Ndumbaro zawadi mara baada ya kukamilisha kazi ya uzinduzi wa kitabu hicho.

XXXXXXXXXXXXXXX

Waziri wa Katiba na Sheria Mhe. Dkt. Damas Ndumbaro amezindua kitabu cha masuala ya ajira na sheria za kazi chenye kurasa zaidi ya Mia Tisa jijini Dar es salaam na kuwataka watanzania wengine kujikita katika kuandika vitabu hasa vyenye uchambuzi wa kisheria ambavyo vitawaongezea uelewa watanzania juu ya sheria zao na haki wanazostahili.

Waziri Ndumbaro ameyasema hayo usiku wa jana Tarehe 25/01/2023 alipoalikwa kama Mgeni Rasmi kuzindua kitabu hicho kilichoandikwa na Wakili Msomi bwana Ally Kileo na kuongeza kuwa kitabu hicho kimegusa kila eneo muhimu katika mazingira ya ajira yakiwemo masuala ya haki ya kunyonyesha na ni kwa kiasi gani sheria hiyo inatakelezwa katika nchi yetu.

“Hiki ni kitabu changu cha Tano sasa kukizindua lakini katika vitabu vyote vinavyohusiana na masuala ya sheria hapa nchini hiki ni kitabu cha kwanza ambacho nimekiona kinaunganisha moja kwa moja suala la ajira na haki ya mama kunyonyesha” Alisema Ndumbaro.

Aidha Waziri Ndumbaro alisema kitabu hiki kimegusa maeneo muhimu kama vile sheria za uwekezaji zinavyotekelezwa hapa nchini na kuongeza kuwa kabla mwekezaji hajaamua sehemu ya kuwekeza, moja ya vitu muhimu anavyoangalia ni sheria za ajira ili kuepusha mikwaruzano kati yake na  Serikali, hivyo kitabu hiki kitarahisisha taratibu za masuala ya uwekezaji kwani kinaelezea na kufafanua masuala yote muhimu yanayohusiana na sheria hizo sehemu za kazi.

Wakielezea kwa nyakati tofauti mapitio ya kitabu hicho, Prof. Chris Peter Mahina alisema kitabu hicho kimelenga kumfanya mtanzania kupambania haki zake katika maeneo mbalimbali ya ajira huku Dkt. Dominucus Makukula  akielezea namna vyombo vya Habari vinavyosaidia ama kuvuruga pale ambapo mahusiano ya ajira kati ya mwajiri na muajiriwa yanapoharibika.

Wakili Ally Kileo wakati akitoa hotuba ya kumkaribisha Mgeni Rasmi alisema kitabu chake chenye kurasa 941 na sura 20 kimemchukua Miaka Mitano kukikamilisha na kinapatikana kwa nakala ngumu (hard copy) na laini (softcopy).

Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more