NDUMBARO AWATAKA WAANDISHI KUEPUKA KUWA SEHEMU YA UKATILI WA KIJINSIA

Waziri wa Katiba na Sheria Dkt Damas Ndumbaro akiongea na timu ya wanahabari (hawapo pichani) kwenye mafunzo ya siku mbili kwa wahariri na waandishi wa vyombo vya Habari mbalimbali ambao wapo kwenye timu ya kutokomeza matukio ya ukatili wa kijinsia liliofanyika  tarehe 14 Julai Jijini Dar es salaam. 
 

Kaimu Mkurugenzi wa Kitengo cha Huduma za Msaada wa Kisheria Bi. Ester Msambazi akitoa salamu za utangulizi kabla ya kumkaribisha mgeni rasmi.


Sehemu ya waandishi wa Habari walioshiriki mafuzo hayo wakifuatilia hotuba ya Mgeni Rasmi.

Mgeni Rasmi Waziri wa Katiba na Sheria Dkt Damas Ndumbaro akiwa katika picha ya pamoja na waandishi wa Habari na watmishi kutoka Wizara ya Katiba na Sheria.


                                  XXXXXXXXXXXXXXXXXXXXXXXXXX

Na Lusajo Mwakabuku - WKS 

Waziri wa Katiba na Sheria Mhe. Dkt. Damas Ndumbaro amewaasa Waandishi wa habari kutotumia taaluma zao katika kusambaza taarifa ambazo zinachochea ukatili wa kijinsia bali wasimamie misingi ya uandishi na utoaji wa taarifa wenye lengo la kuelimisha na kuhabarisha na hatimaye kukuza ustawi wa jamii.

Waziri Ndumbaro ameyasema hayo leo tarehe 14/07/2023 wakati akizindua mafunzo ya siku mbili kwa Wahariri na Waandishi wa Vyombo vya Habari mbalimbali ambao wapo kwenye timu ya kutokomeza matukio ya ukatili wa kijinsia inayosimamiwa na Wizara ya Katiba na Sheria.

“Ndugu zangu Wanahabari, wakati wa kuripoti masuala ya ukatili wa kijinsia, kumbukeni mnafanya kazi hii kwa lengo la kutokomeza masuala haya, naomba niwasihi msimamie misingi ya uandishi na utoaji wa taarifa kwa umma ili isije kuwa taarifa zenu badala ya kuonesha ubaya ili kuzuia uendelezwaji wa matukio haya, zikachochea tena ukatili”. Alisema Ndumbaro.

Aidha Ndumbaro aliwataka Wanahabari hao kujikita kwenye kutoa taarifa zenye mwendelezo wa ushughulikiwaji wa tukio husika kwa lengo la kusaidia wananchi kufahamu hatua zinazochukuliwa hadi kufikia haki ya muhusika. Ndumbaro pia akavitaja vyombo mbalimbali vinavyotumika kumsaidia manusura ikiwemo huduma za usaidizi wa kisheria, simu za dharura, malazi na vituo vya dharura vya hifadhi ya manusura wa ukatili wa kijinsia huku akiwataka Wandishi kuzipa umuhimu taarifa hizi katika kurasa za kwanza za machapisho ili kusaidia kujenga ufahamu na uelewa kwa wananchi kuhusu wapi pa kukimbilia kupata msaada kunapotokea changamoto za ukatili wa kijinsia.

Awali akimkaribisha Mgeni Rasmi kutoa hotuba ya ufunguzi wa mafunzo hayo, Kaimu Mkurugenzi wa Kitengo cha Huduma za Msaada wa Kisheria Bi. Ester Msambazi alisema Wizara imekuwa ikishirikiana na wadau mbalimbali katika kuhakikisha mwananchi anapata huduma za kisheria kwa urahisi na kwa gharama nafuu. "Moja ya wadau tunaofanya kazi nao  kwa ukaribu ni tasnia ya Habari kwa kuwa wana mchango mkubwa sana katika kuwafikia wananchi kupitia vipindi vya redio, televisheni na hata njia nyingine wanazozitumia." 

“Hii ni awamu ya tatu mafunzo haya yakitolewa na kama Wizara tumeona mafanikio makubwa kwa washiriki kwani kupitia magroup ya whatsapp washiriki wamekuwa wakituma kazi zao walizofanya, kurusha mijadala mbalimbali inayohusu vitendo vya ukatili wa kijinsia”. Alisema Bi. Msambazi.

Kwa upande wake Mhariri wa Gazeti la Mwananchi na Mwenyekiti wa timu hiyo ya wanahabari dhidi ya vitendo vya ukatili wa kijinsia Bi. Lilian Timbuka, akitoa salaamu za shukrani baada ya hotuba ya Mgeni Rasmi, alisema matukio ya kufanyika kwa vitendo vya ukatili wa kijinsia yamekuwa yakiongezeka siku hadi siku na kubainisha kuwa inawezakana elimu imewafikia wananchi na hivyo uelewa juu ya madhara haya yanayotokana na ukatili na kufahamu sehemu maalumu ya kutolea taarifa umeongezeka. Aidha akaongeza kuwa hivi sasa vyombo vya Habari vinatumika kikamilifu katika kutoa taarifa juu ya vitendo vya ukatili wa kijinsia akisistiza kuwa sio kwamba matukio yameongezeka bali wananchi sasa wamepata uelewa juu ya vitendo hivyo na njia sahihi za kuchukua.


Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more