MoCLA YAOMBWA KUONGEZA USHIRIKIANO NA WAZEE WA KIMILA NA VIONGOZI WA DINI


 Mzee Isack Olekisongo Meijo ambaye ni Chifu Mkuu wa Wamasai Tanzania mwenye umri wa Miaka Sabini akiongelea umuhimu wa Wizara kuwa karibu na Viongozi wa Kimila


Mwanasheria kutoka shirika la watoa msaada wa kisheria la CSP bwana Eliakim Paulo akitoa elimu ya sheria kwa viongozi wa kimila na wa dini waliohudhuria warsha hiyo.


 Mmoja wa wazee wa kimila waliohudhuria warsha hiyo akichangia maada zilizokuwa zinajadiliwa.


Sehemu ya washiriki wa warsha hii ya siku mbili iliyoandaliwa na Wizara ya Katiba na Sheria kwa lengo la kuwajengea uwezo viongozi hao.

                                                XXXXXXXXXXXXXXXXXX

Na Lusajo Mwakabuku – WKS Babati

Wazee wa Kimila wa viongozi wa dini wametoa wito kwa uongozi wa Wizara ya Katiba na Sheria kuongeza ukaribu na viongozi hao kwani wao ndio wapo karibu na jamii katika masuala la malezi kwa watoto na vijana kimaadili ili kuweka mustakabali wa Taifa na watu wake kwenye mikono salama.

Wazee na viongozi hao wameyasema hayo leo 07/08/2023 katika warsha ya siku mbili iliyoandaliwa na Wizara ya Katiba na Sheria kwa lengo la kuwajengea uwezo viongozi hao kwenye masuala ya kisheria katika majukumu yao ya kila siku hususan kwenye kufanya usuluhishi wa migogoro mbalimbali na kudhibiti vitendo vya unyanyasaji wa kijinsia.

Wakiongea wakati wa majadiliano baada ya kutolewa mada mbalimbali kutoka kwa wataalam wa sheria kutoka wizarani na taasisi binafsi, wazee hao walibainisha kuwa wao wapo karibu na wananchi na kila siku wanakutana na mambo mengi ambayo mengine yanapaswa kupatiwa ufumbuzi katika ngazi ya wizara na hivyo kukiwa na ushirikiano wa karibu kutarihisisha utatuzi wa migogoro na kuipunguzia mahakama mzigo wa kesi.

“Sisi tunakutana na wananchi wetu katika maeneo yetu angalau kila wiki hasa viongozi wetu wa dini ambao kila Jumapili kwa wakristu na Ijumaa tunapata nafasi ya kusikiliza na kutatua kero nyingi na sisi tunakuwa na taarifa nyingi ambazo wizara ikizipata inaweza kuwa katika sehemu nzuri zaidi ya kuboresha usimamizi wa haki” Alisema Chifu Mkuu wa Wamasai Tanzania Isack Olekisongo Meijo

Aidha Chief Meijo aliongeza kuwa vijana wakifundishwa vizuri mila, desturi na maelezo ya kitaalam kutoka kwa wataalam huku wakikukbushwa kushika mafundisho ya dini na wakawa na hofu ya Mwenyezi Mungu maovu mengi ikiwemo ndoa za jinsia moja, ulawiti na unyanyasaji wa kijinsia vitapungua kwa kiwango kikubwa hapa nchini.

Akiongelea madhuminu ya kuitisha warsha hii, Wakili wa serikali kutoka Wizara ya Katiba na Sheria George Mollel alisema serikali inatambua umuhimu wa madhehebu ya Dini na viongozi wa dini kuwa ni sehemu muhimu katika kuimarisha amani katika jamii na ndio maana serikali inaendelea kushirikiana nao katika kujenga maadili mema kuanzia ngazi ya familia na jamii kwa ujumla

Mwanasheria kutoka shirika la watoa msaada wa kisheria linalojulikana kwa jina la CSP bwana Eliakim Paulo akitoa elimu ya jinsi sheria za nchi zinavyotekelezwa kwa viongozi hao alisema elimu inayotolewa kwa wazee hao itatumika kuwasaidia katika kuleta mabadiliko kwenye jamii zao ikiwemo kupambana na ukatili wa kijinsia, kuchochea usawa wa kijinsia, kusomesha watoto wa kike na wanawake kushiriki kwenye shughuli za kimaendeleo.

 

 

 

Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more