KAMATI YA BUNGE YAPOKEA UFAFANUZI WA SERIKALI KATIKA MAREKEBISHO YA SHERIA


Naibu Waziri wa  Katiba na Sheria Mhe. Pauline Gekul (Mb) akijibu hoja za Wajumbe wa Kamati ya Kudumu ya Bunge ya Utawala, Katiba na Sheria  tarehe 23 Oktoba ,2023. Ofisi za Bunge Dododma. 

XXXXXXXXXXXXXXXXXXXXXXXXXXXXXXXXXXXXXXX

Na, William Mabusi - WKS Dodoma.

Kamati ya Kudumu ya Bunge ya Utawala, Katiba na Sheria imepokea ufafanuzi wa Serikali wa baadhi ya vifungu vya sheria katika Mswada wa Marekebisho ya Sheria mbalimbali za Sekta ya Sheria namba 3 wa mwaka 2023 na Mswada wa Marekebisho ya Sheria mbalimbali namba 4 ya mwaka 2023 yenye lengo la kuboresha utekelezaji wa sheria mbalimbali nchini.

Ufafanuzi huo wa Serikali umetolewa na Mhe. Pauline Gekul Naibu Waziri wa Katiba na Sheria kwa kushirikiana na Mwanasheria Mkuu wa Serikali Mhe. Jaji Dkt. Eliezer Feleshi na Wataalam wa Wizara kwa kujibu hoja za Wabunge tarehe 23 Oktoba, 2023 kwenye kikao kati ya  Kamati na Wizara pamoja na Taasisi zake kilichofanyika ofisi za Bunge, Dodoma.

Katika kikao hicho, Kamati ilikuwa inasikiliza majibu ya Serikali kupitia majedwali ya ya Kamati, ambapo Kamati imepokea majibu ya Serikali na kuridhika kupitisha miswada hiyo yenye jumla ya sheria 33 zinazolenga kubadilishwa.

Awali akichangia katika kikao hicho Mjumbe wa Kamati Mhe. Abdullah Ali Mwinyi amesifu mabadiliko hayo kwani yamezingatia mambo mengi akitaja blue print kama mfano, jambo ambalo litafanya sheria zitakazobadilishwa kuishi muda mrefu kabla ya kuhitajika mabadiliko mengine.

Akitoa shukrani kwa Kamati Mhe. Gekul amefurahishwa na uamuzi wa Kamati kuridhia marekebisho hayo ambayo msingi wake ni kuboresha utendaji wa Serikali. “Ulimwengu unapobadilika mambo mengi yanajitokeza na hivyo kama nchi ni lazima kukabiliana na mabadiliko hayo, namna mojawapo ya kukabiliana na mabadiloko hayo ni mabadiliko ya sheria,” alisema.

Katika hatua nyingine Kamati hiyo imepokea taarifa ya utekelezaji kutoka Tume ya Haki za Binadamu na Utawala Bora, Taasisi ya Mafunzo ya Uanasheria kwa Vitendo na Chuo cha Uongozi wa Mahakama Lushoto.

Akichangia katika taarifa hizo Mhe. Mashimba Ndaki amesema umehimu wa Tume ya Hki za Binadamu na Utawala Bora unaongezeka kutokana na kuongezedka kwa idadi ya Watanzaniawa na kuongezeka kwa matukio ya uvunjanji wa haki za binadamu. Akashauri Tume kuwa na ofisi za Mikoa na Wilaya kuiwezesha kuwa karibu zaidi na wananchi katika kusimamia haki na utawala bora kwani makundi kama Sungu sungu na Walizi binafsi wakati mwingine hujichukulia hatua za kusimamia ulinzi huku wakikiuka haki za binadamu.

Akiahirisha kikao hicho Kaimu Mwenyekiti wa Kamati Mhe. Florent Kyombo amesema Kamati yake kwa niaba ya Bunge itaendalea kushirikiana na Wizara na Taasisi zake katika kuimarisha utendaji wa Wizara ili kuisaidia Serikali kutimiza majukumu yake.

 


Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more