Maandalizi ya Kikao Cha 77 Cha Tume ya Haki za Binadamu na Watu Yaiva.

 

Katibu Tawala Mkoa wa Arusha Bwana Missaile Musa akitoa neno la ufunguzi na ukaribisho katika kikao cha Makatibu Wakuu na Viongozi wa Taasisi pamoja na Wanakamati ya maandalizi ya kikao cha 77 cha Tume ya Afrika ya Haki za Binadamu na Watu, kinachotarajiwa kufanyika Jijini Arusha kuanzia tarehe 20 Oktoba mpaka tarehe 9 Novemba mwaka huu. 06/10/2023 Arusha.

Katibu Mkuu wa Wizara ya Katiba na Sheria Bi. Mary Makondo akifurahia jambo na mwakilishi wa Katibu Mkuu Ofisi ya Rais Bw. Reuben Shesha wakati wa kikao cha maandalizi ya kikao cha 77 cha Tume ya Afrika ya Haki za Binadamu na Watu kinachotarajiwa kufanyika Jijini Arusha kuanzia tarehe 20 Oktoba mpaka tarehe 9 Novemba mwaka huu. 06/10/2023 Arusha.


Sehemu ya wanakamati na wajumbe wa maandalizi ya kikao cha 77 cha Tume ya Afrika ya Haki za Binadamu na Watu kinachotarajiwa kufanyika Jijini Arusha katika kumbi za AICC kuanzia tarehe 20 Oktoba mpaka tarehe 9 Novemba mwaka huu. 06/10/2023 Arusha.


Picha ya pamoja ya Makatibu Wakuu kutoka Wizara zilizoalikwa na Viongozi wengine wa Taasisi mbalimbali za Serikali kwenye kikao cha maandalizi ya kikao cha 77 cha Tume ya Afrika ya Haki za Binadamu na Watu kinachotarajiwa kufanyika Jijini Arusha kuanzia tarehe 20 Oktoba mpaka tarehe 9 Novemba mwaka huu. 06/10/2023 Arusha.

                                                              xxxxxxxxxxxxxxxxxxx

Na. Lusajo Mwakabu – WKS Arusha

Wizara ya Katiba na Sheria kwa kushirikiana na Wizara pamoja na Taasisi mbalimbali za Serikali inaendelea na maandalizi ya kikao cha 77 cha Tume ya Afrika ya Haki za Binadamu na Watu kinachotarajiwa kufanyika Jijini Arusha katika kumbi za AICC kuanzia tarehe 20 Oktoba mpaka tarehe 9 Novemba mwaka huu.

Akielezea hatua ya maandalizi ya Kikao hicho mbele ya Makatibu Wakuu kutoka Wizara zilizoalikwa na viongozi wengine wa Taasisi tarehe 06 Oktoba, 2023, Katibu Mkuu wa Katiba na Sheria Bi. Mary Makondo alisema hatua za maandalizi ya kikao hicho kinachotarajiwa kuwa na watu wasiopungua 700 yanaendelea vyema hasa kutokana na ushirikiano unaotolewa Wizara mbalimbali ikiwemo Wizara ya Fedha iliyopitisha fedha kwa ajili ya kikao hicho.

Aidha, Katibu Mkuu aliwaomba viongozi na watumishi waliohudhuria kikao hicho cha maandalizi kupitia taarifa ya kamati ya maandalizi kuiboresha ili iweze kuwasilishwa kwenye kikao cha Mawaziri na hatimaye kwa pamoja taifa liweze kufakinisha kikao hicho na kuleta tija kwa watanzania na waafrika kwa ujumla wake.

“Wizara ya Katiba na Sheria kama Wizara yenye kuratibu na kusimamia masuala ya Haki za Binadamu na Watu nchini, inaendelea na maandalizi ya Kikao cha 77 cha Kamisheni ya Haki za Binadamu na Watu kama ambavyo Rais wa Jamhuri ya Muungano wa Tanzania alivyoelekeza. Mkutano huu unahusisha sekta mbalimbali zaidi ya masuala ya haki za binadamu na watu, yakiwemo masuala ya ushirikiano wa kimataifa; utamaduni, sanaa na michezo, fedha na uchumi, ulinzi na usalama, afya na habari na mawasiliano. Hivyo, niliona upo umuhimu mkubwa wa kuwashirikisha ninyi kama mamlaka za kimkakati kwenye suala hili muhimu lililobeba taswira ya kitaifa ili tuweze kujadili na kushauriana kuhusu namna bora ya kulifanikisha kwa pamoja.” Alisema Bi. Makondo.

Akiielezea tume hiyo kabla ya kuelezea hatua ya maandalizi ilipofikia, Mkurugenzi wa Haki za Binadamu kutoka Wizara ya Katiba na Sheria Nkasori Sarakikya alisema pamoja na kutekeleza majukumu mengine ambayo Kamisheni hii inaweza kukabidhiwa na Bunge la Wakuu wa Nchi na Serikali, tume hii pia inatekeleza majukumu makuu matatu ambayo ni ulinzi wa haki za binadamu na watu, kukuza haki za binadamu na watu na  kutoa tafsiri ya Mkataba wa Afrika wa Haki za Binadamu na Watu.

Akiongelea hatua iliyofikiwa, katika ziara hiyo, Mkurugenzi huyo alisema timu ya wataalam kutoka Kamisheni walikagua na kuchagua ukumbi na ofisi ambazo wanatarajia kutumia kwenye kikao cha 77 cha Kamisheni ya Haki za Binadamu na Watu. Pia, walikagua mifumo ya TEHAMA, hoteli na sehemu mbalimbali za malazi kama “self contained apartments”. Vilevile, pande zote zilifanya majadiliano juu ya Makubaliano kati ya Serikali na Kamisheni juu ya wajibu wa Serikali kama nchi mwenyeji wa Kikao cha 77 cha Kamisheni ya Afrika ya Haki za Binadamu na Watu.

Makatibu Wakuu na wawakilishi kutoka Wizara mbalimbali walipokea taarifa, wakahoji baadhi ya mambo yaliyotajwa katika taarifa na pia wakajadili changamoto mbalimbali zilizojitokeza katika utekelezaji wa maandalizi katika kuhakikisha ukwamuzi kwa mambo yaliyokwama unapatikana na kushauri namna bora katika kuhakikisha mkutano huu unakiwa wa mafanikio.

Tarehe 31 Januari, 2023 Mwenyekiti wa Kamisheni ya Afrika ya Haki za Binadamu na Watu, Mhe. Kamishna Remy Ngoy Lumbu (kutoka DRC Kongo) alimtembelea Mhe. Dkt. Samia Suluhu Hassan, Rais wa Jamhuri ya Muungano wa Tanzania. Katika mazungumzo na Mheshimiwa Rais, Mwenyekiti aliwasilisha ombi la Serikali ya Tanzania kuwa mwenyeji wa kikao cha 77 cha Kawaida cha Kamisheni ya Afrika ya Haki za Binadamu na Watu huku akimwomba Rais wa Jamhuri ya Muungano wa Tanzania awe Mgeni Rasmi katika mkutano huo. Mhe. Rais aliyakubali maombi yote mawili, na akaelekeza kwamba kikao hicho kifanyike nchini Tanzania kuanzia Oktoba, 2023 ili mahitaji yake yaweze kufanyiwa kazi wakati wa kuandaa bajeti ya mwaka wa fedha 2023/24.

Ridhaa ya mwitikio chanya wa Serikali ya Tanzania iliwasilishwa rasmi kwenye Kamisheni ya Afrika ya Haki za Binadamu na Watu pamoja na Umoja wa Afrika (AU) wakati wa mkutano wa Wakuu wa Nchi mwezi Februari, 2023. Kufuatia ridhaa iliyotolewa, Kamisheni ya Afrika ya Haki za Binadamu na Watu iliwasilisha maombi yake rasmi kwa Serikali kuandaa kikao tajwa kuanzia tarehe 20 Oktoba hadi 9 Novemba, 2023.



Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more