Pelekeni kwa Wananchi Elimu ya Sheria Mliyopata: Dkt. Kazungu

 

Bw. Burton Mwasomola Mkurugenzi Msaidizi wa Katiba kutoka Wizara ya Katiba na Sheria akihutubia kwa niaba ya Naibu Katibu Mkuu Dkt. Khatibu Kazungu wakati wa kufunga mafunzo ya Sheria ya Ulinzi wa Watoa Taarifa na Mashahidi ya mwaka 2015 na Kanuni zake za mwaka 2023, tarehe 13 Oktoba, 2023 Morogoro.

xxxxxxxxxxxxxxxxxxxxxxxxxxxxxx

Na William Mabusi – WKS Morogoro

Naibu Katibu Mkuu wa Wizara ya Katiba na Sheria Dkt. Khatibu Kazungu ametoa rai kwa washiriki wa mafunzo ya Sheria ya Ulinzi wa Watoa Taarifa na Mashahidi ya mwaka 2015 na Kanuni zake za mwaka 2023 kupeleka elimu waliyoipata kwa wananchi ili watambue jitihada zinazofanywa na Serikali za kuendelea kupambana na uhalifu nchini.

Dkt. Kazungu ametoa rai kwenye hotuba yake iliyosomwa kwa niaba yake na Bw. Burton Mwasomola Mkurugenzi Msaidizi wa Katiba wakati wa kufunga mafunzo ya Sheria ya Ulinzi wa Watoa Taarifa na Mashahidi ya mwaka 2015 na Kanuni zake za mwaka 2023 kwa Maafisa Waandamizi Wachunguzi kutoka Taasisi Chunguzi na Waendesha Mashtaka kutoka Ofisi ya Taifa ya Mashtaka, tarehe 13 Oktoba, 2023 Mkoani Morogoro.

“Rai yangu mkaendelee kutoa elimu kwa umma wa watanzania na watumishi wenzenu kuhusiana na malengo ya Sheria hii na Kanuni zake ili wafahamu umuhimu wa kuwafichua wahalifu wa makosa mbalimbali ili hatimaye kutokomeza mtandao wa uhalifu nchini,” alisema.

Dkt. Kazungu aliongeza kuwa, “katika kutekeleza majukumu yenu mna watu ambao huwatumia kuwapa taarifa za uhalifu, kupitia mafunzo haya kawaambieni kwamba Serikali imeweka utaratibu wa ulinzi kwao pale ambapo itaonekana maisha yao yako hatarini kutokana na taarifa za uhalifu watakazotoa.”

Akitoa shukrani kwa niaba ya washiriki wengine, aliyekuwa Mwenyekiti wa mafunzo hayo, Wakili wa Serikali Bi. Florida Wenceslaus amesema mafunzo hayo yamewaongezea uelewa wa Sheria ya Ulinzi wa Watoa Taarifa na Mashahidi ya mwaka, 2015 na Kanuni zake za mwaka 2023 na hivyo kwenda kurahisisha utendaji kazi wao kwani utekelezaji wa Sheria hiyo utawapa hamasa wananchi kutoa taarifa za uhalifu.

Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more