Tukitekeleza Kazi kwa Kasi Hii Tutaelewana: Dkt. Chana

 

Waziri wa Katiba na Sheria Mhe. Balozi Dkt. Pindi Chana wakati akipokea taarifa ya utekelezaji wa Robo Mwaka na Muswada wa marekebisho mbalimbali kwenye sekta ya sheria, tarehe 17 Oktoba, 2023 Ofisi za Wizara Dodoma.

Waziri wa Katiba na Sheria Mhe. Balozi Dkt. Pindi Chana, Naibu Waziri Mhe. Pauline Gekul wakati wakipokea taarifa ya utekelezaji wa Robo Mwaka na Muswada wa marekebisho mbalimbali kwenye sekta ya sheria, tarehe 17 Oktoba, 2023 Ofisi za Wizara Dodoma.


Sehemu ya Viongozi wa taasisi walishiriki kikao kazi cha kuwasilisha taarifa ya utekelezaji wa Robo Mwaka na Muswada wa marekebisho mbalimbali kwenye sekta ya sheria, tarehe 17 Oktoba, 2023 Ofisi za Wizara Dodoma.


Waziri wa Katiba na Sheria Mhe. Balozi Dkt. Pindi Chana alipokutana na kufanya mazungumzo na Mwanasheria Mkuu wa Serikali Mhe. Jaji Dkt. Eliezer Mbuki Feleshi tarehe 17 Oktoba, 2023 Ofisi za Wizara Dodoma.

xxxxxxxxxxxxxxxxxxxxxxxxxxxxxxxxxxxxxxxxx

Na William Mabusi – WKS Dodoma

Waziri wa Katiba na Sheria Mhe. Balozi Dkt. Pindi Chana amepokea taarifa za utekelezaji za Robo Mwaka ya Mwisho kwa mwaka wa fedha 2022/23 na Robo Mwaka ya Kwanza kwa mwaka 2023/24 kutoka taasisi zilizo chini ya Wizara na kuzipongeza kwa kazi nzuri na utekelezaji wa majukumu ya taasisi hizo kwa wakati.

Mhe. Chana ametoa pongezi hizo wakati yeye na Naibu Waziri Mhe. Pauline Gekul walipokutana na Watendaji kutoka Taasisi hizo na Menejimenti ya Wizara tarehe 17 Oktoba, 2023 kwenye ofisi za Wizara Mtumba Dodoma.

“Kazi mlizofanya zinatoa alert, ni taarifa chunguzi za ukweli na zinazoonesha haki imekuwa ikitendeka,” alisema Mhe. Waziri na kwa namana ya pekee amempongeza Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea kuboresha sekta ya sheria na kuahidi kwamba Wizara yake itaendelea kusimamia utoaji haki na kutekeleza maono ya Mhe. Rais ya kutaka haki sawa kutolewa na kwa wakati.

Katika kikao kazi hicho pia Mhe. Waziri alipokea Muswada wa marekebisho mbalimbali kwenye sekta ya sheria yenye Sehemu Ishirini na nne yanayolenga kuweka mazingira wezeshi katika kuendelea kutekeleza majukumu kwa wakati, kuzuia matumizi mabaya ya mali ya uma, kuondoa changamoto ya tafsiri kwa baadhi ya sheria na hivyo kuondoa mkanganyiko katika kutekeleza sheria hizo ili kuboresha utoaji wa haki na hivyo kuongeza ufanisi wa kazi.

Katika hatua nyingine Mhe. Waziri alikutana na Mwanasheria Mkuu wa Serikali Mhe. Jaji Dkt. Eliezer Mbuki Feleshi na kujadili masuala mbalimbali ya kuboresha ya sekta ya sheria na utoaji haki.

Akichangia katika kikao kazi hicho Naibu Waziri wa Katiba na Sheria Mhe. Gekul aliitaka Tume ya Haki za Binadamu na Utawala Bora itumie sehemu ya utawala bora kuandaa mafunzo kwa viongozi wa ngazi za chini za utawala wakati nchi inajiandaa na Uchaguzi wa Serikali za Mtaa mwakani. Aidha, Mhe. Gekul ameitaka Tume hiyo kuwa na mkakati wa kuwafikia wananchi wa chini kabisa. “Kiu yangu ni kuona mna Maafisa kwenye kila mkoa ili kuwarahisishia wanachi kuwafikishia kero zao,” alisema.

Pamoja na Menejimenti ya Wizara, Taasisi zilizoshiriki kikao kazi hicho ni pamoja na Chuo cha Uongozi wa Mahakama Lushoto, Mahakama, Taasisi ya Mafunzo ya Uanasheria kwa Vitendo, Tume ya Haki za Binadamu na Utawala Bora na RITA na Tume ya Kurekebisha Sheria.

Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more