DKT. CHANA AFANYA MAZUNGUMZO NA BALOZI WA SINGAPORE NCHINI

 


Waziri wa Katiba na Sheria Mhe. Balozi Dkt. Pindi Chana akifanya mazungumzo na Balozi wa Singapore nchini Mhe. Douglas Foo,  tarehe 20 Novemba, 2023 mtumba, Jijini  Dodoma.


Waziri wa Katiba na Sheria Mhe. Balozi Dkt. Pindi Chana akikabidhi Balozi wa Singapore nchini Mhe. Douglas Foo mfuko maalum ambao ni rafiki wa mazingira unaotumika kwenye “Mama Samia Legal Aid Campaign” tarehe 20 Novemba, 2023  Dodoma.


Waziri wa Katiba na Sheria Mhe. Balozi Dkt. Pindi Chana na Balozi wa Singapore nchini Mhe. Douglas Foo kwenye picha ya pamoja na washiriki kwenye kikao kilichowakutanisha viongozi hao wawili, tarehe 20 Novemba, 2023 Dodoma.

XXXXXXXXXXXXXXXXXXXXXXXXXXXXXXXXXXX


Na William Mabusi – WKS Dodoma

Waziri wa Katiba na Sheria Mhe. Balozi Dkt. Pindi Chana amekutana na Balozi wa nchi ya Singapore nchini Mhe. Balozi Douglas Foo na kufanya mazungumzo kuhusu kuimarisha ushirikiano kwenye sekta mbalimbali na namna ya kubadilishana uzoefu kwenye masuala ya teknolojia.

Kikao hicho kimefanyika tarehe 20 Novemba, 2023 ofisi za Wizara Mtumba kwa lengo la kuendeleza ushirikiano baina ya nchi mbili hizo.

“Kama Wizara maeneo ya kubadilishana uzoefu ni kwenye sekta ya sheria, kuendeleza watumishi kwenye mafunzo mbalimbali. Aidha, tunaangalia namna ya kuimarisha ushirikiano wa kibiashara.” Alisema Dkt. Chana.

Katika kusimamia utawala wa sheria, Dkt. Chana amesema Serikali ya Awamu ya Sita inayoongozwa na Mhe. Dkt. Samia Suluhu Hassan imeendelea na jitihada za kuongeza uelewa wa sheria kwa wanachi na hasa wa hali ya chini kwa kuwapa elimu na huduma za kisheria kwa wasioweza kumudu gharama za Mawakili kupitia kampeni ya kitaifa ya mama Samia.

Katika hatua nyingine Dkt. Chana amesema Serikali imekuwa ikisisitiza wananchi kutatua migogoro kwa njia mbadala ya maridhiano ambako huokoa muda kwani mashauri humalizika kwa haraka bila wahusika kufikishana mahakamani.

Kwa upande wake Balozi wa Singapore amesema nchi yake itaendelea kuenzi uhusiano mzuri uliopo kati ya nchi yake na Tanzania na kusema kuwa Singapore iko tayari kuingia makubaliano ya kibiashara na Tanzania, miongoni mwa mengine.


Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more