DKT. CHANA ATAKA WATUMISHI KUFANYA KAZI KWA KUZINGATIA MASLAHI YA TAIFA

Waziri wa Katiba na Sheria Mhe. Balozi Dkt. Pindi Chana kwenye picha ya pamoja na Wajumbe wa Baraza la Wafanyakazi wa Ofisi ya RITA, 22 Desemba, 2023 Jijini Arusha.

Waziri wa Katiba na Sheria Mhe. Balozi Dkt. Pindi Chana akihutubia wakati akifungua kikao cha Baraza la Wafanyakazi wa Ofisi ya RITA, 22 Desemba, 2023 Jijini Arusha.

XXXXXXXXXXXXXXXXXXXXX

Na William Mabusi – WKS Dodoma

Waziri wa Katiba na Sheria Mhe. Balozi Dkt. Pindi Chana ametoa wito kwa watumishi wa umma kufanya kazi kwa weledi na uadilifu kwa kuzingata maslahi mapana ya Serikali na Taifa kwa ujumla.

Dkt. Chana ameyasema hayo wakati akifungua kikao cha Baraza la Wafanyakazi wa ofisi ya RITA tarehe 22 Desemba, 2023 linalofanyika Jijini Arusha. Baraza hilo linafanyika ikiwa ni utekelezaji wa Sheria ya ajira na Mahusiano kazini.

Amesema, “huduma ya usajili wa matukio muhimu ya binadamu na Takwimu mnazotoa ni huduma zinazowagusa wananchi moja kwa moja. Hivyo, mkiwa wafanyakazi mlioaminiwa na Serikali ya Tanzania endeleeni kutekeleza majukumu yenu kwa weledi na uadilifu kwa kuzingata maslahi mapana ya Serikali na Taifa kwa ujumla.”

Amezitaja huduma zinazotolewa na RITA kuwa ni pamoja na usajili wa Vizazi, Vifo, Ndoa, Talaka na Watoto wa kuasili, Usimamizi wa mirathi, Usajili wa Bodi za Wadhamini, Kuandika na kuhifadhi wosia miongoni mwa zingine.

Dkt. Chana amemshukuru Mhe. Dkt. Samia Suluhu Hassan, Rais wa Jamhuri ya Muungano wa Tanzania kwa utekelezaji wa falsafa ya R 4 hususan kwenye maboresho ya huduma zinazotolewa na Wakala wa RITA huku akiuagiza uongozi wa RITA kushughulikia changamoto mbalimbali za watumishi. “shughulikieni changamoto za wafanyakazi waweze kufanya kazi kwa furaha na ufanisi kwa kuwa mtumishi akiwa na furaha katika kazi ni wazi utendaji wake utakuwa wenye tija.”

Aidha, Dkt. Chana amehimiza umoja miongoni mwa wafanyakazi wa ofisi ya RITA akiwataka wajenge Utumishi wa Umma wenye kuzingatia Kanuni za Maadili ya Utumishi, kupinga rushwa na kuheshimu sheria.


Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more