Wananchi watakiwa kuunga mkono jitihada za Serikali kupinga ukiukwaji wa haki za binadamu

 

Waziri Mkuu Kassim Majaliwa akiwa katika banda la Wizara ya Katiba na Sheria kwenye Kilele cha Maadhimisho ya Siku ya Maadili na Haki za Binadamu yaliyofanyika leo tarehe 10 Desemba 2023 Jijini Dodoma. 

Mgeni rasmi Mhe. Kassim Majaliwa akiwa na viongozi wengine meza kuu kwenye kilele cha maadhimisho ya siku ya Maadili na Haki za Binadamu  yalifanyika leo tarehe 10 Desemba 2023 jijini Dodoma.

Waziri Mkuu Mhe. Kassim Majaliwa akitoa hotuba kwenye Kilele cha Maadhimisho ya siku ya Maadili na Haki za Binadamu yaliyofanyika leo tarehe 10 Desemba 2023 Jijini Dodoma.

Watumishi kutoka Wizara na Taasisi mbalimbali wakimsikiliza Mhe. Waziri Mkuu Kass im Majaliwa alipokuwa akihutubia kwenye kilele cha Maadhimisho ya siku ya Maadili na Haki za Binadamu yaliyofanyika leo tarehe 10 Desemba 2023 Jijini Dodoma.


Waziri wa Katiba na Sheria Mhe Balozi Pindi Chana akitoa neon la utambulisho kwenye Kilele cha Maadhimisho ya siku ya Maadili na Haki za Binadamu yaliyofanyika leo tarehe 10 Desemba 2023 Jijini Dodoma

XXXXXXXXXXXXXXXXXXXXXXXXXXXXXXXX

Na George Mwakyembe & William Mabusi – WKS Dodoma

Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa (Mb) ametoa wito kwa wananchi kuunga mkono jitihada za Serikali ili kuleta matokeo chanya katika kupinga vitendo vya ukiukwaji wa haki za binadamu, rushwa na mmomonyoko wa maadili akiwataka wanachi wanapobaini vitendo hivyo kutoa tarifa kwenye vyombo vya sheria ili wahusika wachukuliwe hatua.

Waziri Mkuu ameyasema hayo alipokuwa akihutubia wakati wa kufunga maadhimisho ya Siku ya Maadili na Haki za Binadamu Kitaifa leo tarehe 10 Desemba, 2023 hafla iliyofanyika Viwanja vya Nyerere Square Jijini Dodoma yakiongozwa na kauli mbiu isemayo "Zingatia maadili, utu, uhuru na haki kwa watu wote kwa maendeleo endelevu."

Mhe. Majaliwa amesema “Wananchi ninyi ni wadau wakubwa wa kutokomeza rushwa, kukomesha vitendo vya ukiukwaji wa haki za binadamu. Ili nchi yetu isiwe na vitendo vya rushwa, isiwe na vitendi vya ukiukwaji wa haki za binadamu nyie mnapaswa kufichua matendo hayo na kupeleka taarifa kwenye vyombo husika katika kusimamia na kudhibiti matendo hayo, mwananchi usikubali kutoa rushwa popote unapotakiwa kupata huduma.”

Katika kukabiliana na dhuruma ya rushwa amesema nchi imekuwa ikifanya jitihada mbalimbali ikiwa ni pamoja na kuwa na Mkakati wa Kitaifa wa kupambana na rushwa ambao hadi sasa umetekelezwa kwa Awamu Tatu na katika hafla hiyo alizindua Mkakati wa Nne wa kupambana na rushwa ili uanze kutumika rasmi huku akiagiza elimu ya utekelezaji wa Mkakati huo iendelee kutolewa ili kuwawezesha wadau wote kuwa na uelewa wa pamoja katika kushiriki kutekeleza Mkakati huo.

Awali akitoa salaam kwenye hafla hiyo Waziri wa Katiba na Sheria Mhe. Balozi Dkt. Pindi Chana (Mb) amezishukuru Wizara na Taaasisi ambazo kwa wiki nzima zimeshiriki kutoa elimu juu ya haki za binadamu, rushwa, vitendo vya ukatili wa kijinsia. Aidha, Wizara hizo pia zilitoa huduma na kutatua malalamiko kutoka kwa wananchi. Amevishukuru Vyombo vya Habari kwa kurusha vipindi kwenye redio na TV na kutoa taarifa za maadhimisho hayo tangu yalipozinduliwa tarehe 3 Desemba, 2023.

Maadhimisho hayo yanaenda sambamba na maadhimisho ya miaka 75 ya Tamko la Dunia kuhusu haki za binadamu la mwaka 1948 ambapo Tanzania ni miongoni mwa nchi wanachama wa Umoja wa Mataifa iliyoridhia mikataba mbalimbali ikiwemo ya  haki za binadamu ya Kikanda na Kimataifa.


Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more