KAMATI YAIPONGEZA SERIKALI UJENZI WA JENGO LA WAKILI MKUU WA SERIKALI

 

Katibu Mkuu Wizara ya Katiba na Sheria Bi. Mary Makondo akitoa maelezo ya awali ya maendeleo ya ujenzi wa jengo la Ofisi za Wakili Mkuu wa Serikali kwa Kamati ya Kudumu ya Bunge ya Utawala, Katiba na Sheria tarehe 27 Machi, 2024 Mji wa Serikali Mtumba Dodoma.


Kaimu Naibu Wakili Mkuu wa Serikali Bw. Mark Mulwambo akitoa maelezo kwenye Kamati ya Kudumu ya Bunge ya Utawala, Katiba na Sheria tarehe 27 Machi, 2024 Mji wa Serikali Mtumba Dodoma.


Mkandarasi wa mradi Eng. Baraka Mosha akitoa maelezo ya ujenzi wa jengo la Ofisi za Wakili Mkuu wa Serikali kwa Kamati ya Kudumu ya Bunge ya Utawala, Katiba na Sheria tarehe 27 Machi, 2024 Mji wa Serikali Mtumba Dodoma.

Katibu Mkuu Wizara ya Katiba na Sheria Bi. Mary Makondo, viongozi kutoka Wizarani na Ofisi ya Wakili Mkuu wa Serikali kwenye picha ya pamoja na Kamati ya Kudumu ya Bunge ya Utawala, Katiba na Sheria mbele ya jengo la Wakili Mkuu wa Serikali linalojengwa  Mji wa Serikali Mtumba Dodoma, tarehe 27 Machi, 2024.

xxxxxxxxxxxxxxxxxxxxxxxxxxxxxxxxxxxxxxxxxx


Na William Mabusi – WKS Dodoma

Makamu Mwenyekiti wa Kamati ya Kudumu ya Bunge ya Utawala, Katiba na Sheria Mhe. Florent Kyombo ameipongeza Serikali kwa juhudi inazofanya za kuendelea kukamilisha majengo ya kudumu ya Wizara na Taasisi za Serikali kwenye eneo la Mji wa Serikali Mtumba, Jijini Dodoma.

Mhe. Kyombo amesema hayo wakati Kamati hiyo ilipotembelea ujenzi wa Jengo la kudumu la Ofisi ya Wakili Mkuu wa Serikali ambalo ujenzi wake umefikia asilimia 49, tarehe 27 Machi, 2024 eneo la Mtumba kunakojengwa Mji wa Serikali.

“Tunaipongeza Serikali kwa kuendelea kutenga bajeti ya kujenga majengo makubwa kama hili la Wakili Mkuu wa Serikali, kiu yetu ni kuona jengo hili linakamilika na kuanza kutumika kama ilivyokusudiwa. Hivyo tuiombe Serikali kuongeza kasi ya malipo kwa Mkandarasi na Msimamizi wa mradi kuwawezesha kufanya kazi ili mradi huu ikamilike kwa muda uliopangwa.” Alisema.

Katika ukaguzi huo Katibu Mkuu Wizara ya Katiba na Sheria Bi. Mary Makondo aliyemwakilisha Waziri wa Katiba na Sheria Mhe. Balozi Dkt. Pindi Chana, amesema Wizara itaendelea kufanya kazi kwa kusaidiana na kumshauri Mshitili ambaye ni Wakili Mkuu wa Serikali katika kukabiliana na changamoto zozote kwenye ujenzi huo.

Awali akitoa taarifa ya ujenzi, Mkandarasi wa mradi huo Eng. Baraka Mosha amesema ujenzi unaendelea vizuri pamoja na kuwepo changamoto kadhaa ikiwemo kuchelewa kwa malipo.

Akijibu baadhi ya hoja, Kaimu Naibu Wakili Mkuu wa Serikali Bw. Mark Mulwambo amesema ofisi yake imeingia makubaliano na Mkandarasi kutumia mpango wa Manunuzi wa Milestone, mpango ambao utawezesha upatikanaji wa pesa kabla ya kazi kufanyika, badala ya mpango wa Mkandarasi kulipwa kwa Certificate baada ya kufanya kazi.


Comments

Post a Comment

Popular posts from this blog

KAMATI YAIPONGEZA WIZARA KWA UTEKELEZAJI WA MAMA SAMIA LEGAL AID CAMPAIGN

Image
Mwenyekiti wa Kamati ya Kudumu ya Bunge ya Utawala, Katiba na Sheria Mhe. Joseph Mhagama akiongoza kikao cha kamati cha kujadili taarifa ya miezi mitatu ya utekelejazi wa majukumu ya Wizara pamoja na Taasisi zake katika ukumbi wa bunge   tarehe 21 Agosti 2023 jijini Dodoma. Naibu Waziri wa Katiba  na Sheria  Mhe. Pauline Gekul akiwasilisha taarifa kwa wajumbe wa kamati ya kudumu ya bunge ya Utawala, Katiba na Sheria katika ukumbi wa bunge tarehe 21 Agosti 2023.   Kaimu Mkurugenzi wa idara ya Sera na Mipngo Bw. Mbaraka Stambuli  akiwasilisha  taarifa ya  utekelezaji wa majukumu ya Wizara  kwenye Kamati ya Kudumu ya bunge Utawala, Katiba na  Sheria  tarehe 21 Agosti 2023. Mwenyekiti wa Kamati ya Kudumu ya bunge ya Utawala, Katiba na Sheria Mhe. Joseph Mhagama  akifuatilia taarifa   ya utekelezaji wa majukumu  ya Wizara  ya Katiba na Sheria kwenye kikao kilichofanyika tarehe 21 Agosti 2023 jijini Dodoma.                                                    XXXXXXXXXXXXXXXXXXXXXX Na, George
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more