CHANA ATEMBELEA MAHAKAMA YA JUMUIYA YA AFRIKA MASHARIKI ARUSHA

Waziri wa Katiba na Sheria Mhe. Balozi Dkt. Pindi Chana akiongea alipotembelea Makao Makuu ya Mahakama ya Jumuiya ya Afrika Mashariki, Mei 02, 2024 Jijini Arusha.

Waziri wa Katiba na Sheria Mhe. Balozi Dkt. Pindi Chana akisalimiana na Rais wa Mahakama ya Jumuiya ya Afrika Mashariki Jaji Nesto Kayobera, Mei 02, 2024 Jijini Arusha.

Waziri wa Katiba na Sheria Mhe. Balozi Dkt. Pindi Chana akiwa na Jaji Imani Aboud, Rais wa Mahakama ya Afrika ya Haki za Binadamu na Watu, Mei 02, 2024 Jijini Arusha.

Rais wa Mahakama ya Jumuiya ya Afrika Mashariki Jaji Nesto Kayobera (katikati), Waziri wa Katiba na Sheria Mhe. Balozi Dkt. Pindi Chana na Katibu Mkuu Wizara ya Katiba na Sheria Bi. Mary Makondo, Mei 02, 2024 Jijini Arusha.


Waziri wa Katiba na Sheria Mhe. Balozi Dkt. Pindi Chana (katikati) kwenye picha ya pamoja na ujumbe kutoka Wizara ya Katiba na Sheria alioambatana nao alipotembelea Makao Makuu ya Mahakama ya Jumuiya ya Afrika Mashariki, kulia kwake ni Rais wa Mahakama ya Jumuiya ya Afrika Mashariki Jaji Nesto Kayobera na kulia kabisa ni Katibu Mkuu Bi. Mary Makondo, Mei 02, 2024 Jijini Arusha.


xxxxxxxxxxxxxxxxxxxxxxxxx

Na Lusajo Mwakabuku - WKS Arusha

Waziri wa Katiba na Sheria Balozi Dkt. Pindi Chana leo, Alhamisi Mei 02.2024 ametembelea Makao Makuu ya Mahakama ya Jumuiya ya Afrika Mashariki iliyopo jijini Arusha, ambapo akiwa hapo amepokelewa na Rais wa Mahakama hiyo Jaji Nesto Kayobera

Akizungumza kwenye viunga vya Mahakama hiyo Balozi Dkt. Pindi Chana amesema katika mazungumzo yao wawili hao wamekubaliana kushirikiana kwenye nyanja mbalimbali ikiwemo Majaji wa Mahakama hiyo kutoa mafunzo kwa wanafunzi wanaosoma Chuo cha Sheria hapa nchini (Law School of Tanzania), sambamba na Chuo cha Uongozi wa Mahakama kilichopo Lushoto, mkoani Tanga ambapo imeelezwa kuwa hivi karibuni maafisa wa Mahakama hiyo walitembelea chuoni hapo kwa ajili ya kutoa mafunzo kwa Majaji na Mahakimu

Aidha, amesema wamekubaliana kuwa Mawaziri wanaohusika na masuala ya Katiba na Sheria kutoka nchi wanachama wa Jumuiya ya Afrika Mashariki kutengeneza utaratibu wa kuwa na vikao vya mara kwa mara kwa ajili ya kujadili maboresho ya sheria mbalimbali na kuzifahamu sheria hizo

Kwa upande wake Rais wa Mahakama ya Jumuiya ya Afrika Mashariki Jaji Nesto Kayobera licha ya kumshukuru Waziri kwa kutembelea kwenye Mahakama hiyo, lakini pia amesema yeye binafsi (Jaji Kayobera) alikutana na Rais wa Jamhuri ya Muungano wa Tanzania Dkt. Samia Suluhu Hassan siku za nyuma ambapo Rais Dkt. Samia alisema Serikali ya Tanzania inatambua mchango wa Mahakama hivyo kutoa wito kwa Mahakama hiyo kutekeleza shughuli zake kwa  uhuru na uwazi

Katika hatua nyingine Balozi Dkt. Pindi Chana amesema Wizara ya Katiba na Sheria inaendelea kutekeleza falsafa ya '4R' iliyoasisiwa na Rais wa Jamhuri ya Muungano wa Tanzania Dkt. Samia Suluhu Hassan kwa kufanya maboresho ya masuala mbalimbali kwenye taasisi zote zilizopo chini yake. 


 

Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more