WANANCHI LUPILA WAITWISHA MSLAC KERO YA WANYAMA WAHARIBIFU

 

Wakili wa Serikali kutoka Wizara ya Katiba na Sheria Bw. Zakaria Mzese akitoa elimu ya Sheria kwenye mkutano wa hadhara uliofanyika Kijiji cha Lupila katika Kata ya Lupila Mei 30, 2024 Makete.

Afisa Wanyamapori kutoka Mamlaka ya Usimamizi wa Wanyamapori Bw. Francis Malembo akitoa mada ya wanyamapori na makatazo kwenye Hifadhi za Taifa na Mapori Tengefu kwenye mkutano wa hadhara uliofanyika Kijiji cha Lupila katika Kata ya Lupila Mei 30, 2024 Makete.

Mwanasheria kutoka Wizara ya Katiba na Sheria Bw. Fredrick Makamba akitoa mada ya ndoa na talaka kwenye mkutano wa hadhara uliofanyika Kijiji cha Lupila katika Kata ya Lupila Mei 30, 2024 Makete.

xxxxxxxxxxxxxxxxxxxxxxxxxxxxx

William Mabusi – WKS Makete

Wananchi wa Kijiji cha Lupila katika Kata ya Lupila Wilayani Makete wameitwisha Timu inayotekeleza Kampeni ya Kitaifa ya Msaada wa Kisheria ya Mama Samia Wilayani humo kero ya wanyama nyani na ngedere ambao wamekuwa tishio kwa kuharibu mazao na kutishia amani.

Malalamiko hayo yametolewa na wananchi hao kwenye mkutano wa hadhara uliofanyika kijijini hapo Mei 30, 2024 ikiwa ni katika kutekeleza kampeni hiyo.

Bw. Naftali Ilomo mkazi wa kijiji cha Lupila wa kitongoji cha Upakilwa akitoa kero yake amesema, “Serikali ifanye utaratibu wa kuwafukuza nyani na ngedere maana wamekuwa kero karibu kwenye vijiji vyote vya Wilaya ya Makete iwe mvua iwe kiangazi, Wazazi wamekuwa wakihatarisha usalama wa watoto kwa kuwaacha majumbani kwenda kuhamia nyani na ngedere.”

Kilio kama hicho kilitolewa na wakazi wa kijiji cha Masisiwe Kata ya Ukwama ambao wameomba Serikali iwakusanye na kuwapeleka wanyama hao kwenye hifadhi ama sivyo waruhusiwe kuwaua.

Akitoa mada ya wanyamapori na makatazo kwenye Hifadhi za Taifa na Mapori Tengefu Afisa Wanyamapori Bw. Francis Malembo kutoka Mamlaka ya Usimamizi wa Wanyamapori – TAWA amesema ni kinyume cha sheria kuuwa wanyamapori bila kibali, kwa kufanya hivyo ni kuingia kwenye mgogoro na Serikali na ndiyo umuhimu wa kampeni hiyo kutoa elimu kwa wananchi kuepusha migogoro.

“Mnapobaini wanyamapori kwenye maeneo yemu toeni taarifa kwa viongozi ambao nao watatoa taarifa kwa Afisa Wanyamapori wa Wilaya ili hatua stahiki zichukuliwe.” Alisema Bw. Malembo.

Naye Mkurugenzi Mtendaji wa Halmashauri ya Wilaya ya Makete Bw. William Makufwe alikiri kuwepo kwa changamoto ya ngedere kwenye maeneo mengi Wilayani humo na kwamba unaandaliwa utaratibu wa kuwafukuza na pale ambapo watakuwa wamezidi upo utaratibu wa kuwauwa lakini kwa malekezo maalum kutoka mamlaka husika.

Akihitimisha mada yake Bw. Malembo aligusia makatazo kwenye hifadhi za Taifa kuwa ni pamoja na mwananchi haruhusiwi kuingia kwenye hifadhi bila kibali, hairuhusiwi kufanya shughuli yoyote ya kijamii kama kukata kuni, kuingiza mifugo, kulima au kuwinda bila kibali.

Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more