ORODHA YA WATOA HUDUMA ZA MSAADA WA KISHERIA NCHINI IANDALIWE -WAZIRI CHANA

 

Waziri wa Katiba na Sheria Mhe. Balozi Dkt. Pindi Chana akiongea baada ya kupokea taarifa ya utekelezaji wa Mafunzo  kwa Wasajili Wasaidizi wa Watoa Msaada wa Kisheria kutoka kwa Kaimu Mkurugenzi wa Huduma za Msaada wa Kisheria Bi. Ester Msambazi (hayupo katika picha), Juni 10, 2024 Jijini Dodoma.


Mhe. Waziri wa Katiba na Sheria Mhe. Balozi Dkt. Pindi Chana (kushoto), Naibu Waziri Mhe. Jumanne Sagini wakipokea taarifa ya utekelezaji wa Mafunzo  kwa Wasajili Wasaidizi wa Watoa Msaada wa Kisheria   kutoka kwa Kaimu Mkurugenzi wa Huduma za Msaada wa Kisheria Bi. Ester Msambazi (hayupo katika picha), Juni 10, 2024 Jijini Dodoma.

Kaimu Mkurugenzi wa Huduma za Msaada wa Kisheria Bi. Ester Msambazi (wa pili kushoto) kutoka Wizara ya Katiba na Sheria akitoa taarifa ya utekelezaji wa Mafunzo  kwa Wasajili Wasaidizi kwa Mhe. Waziri Pindi na Naibu Waziri Sagini, Juni 10, 2024 Jijini Dodoma.

xxxxxxxxxxxxxxxxxxxxxxxxxx

Hyasinta Kissima-WKS 

Waziri wa Katiba na Sheria Mheshimiwa Dkt. Balozi Pindi Chana akiwa ameambata na Naibu Waziri wa Wizara hiyo, Mhe. Jumanne Sagini ameagiza kuandaliwa kwa orodha "Directory" ya Watoa Huduma za Msaada wa Kisheria Nchini, ili kuwawezesha Wananchi kuwatambua wakati wanapohitaji Msaada wa Kisheria. 

Waziri Chana ameyasema hayo tarehe 10 Juni, 2024, jijini Dodoma wakati akipokea taarifa ya utekelezaji wa Mafunzo  kwa Wasajili Wasaidizi wa Watoa Msaada wa Kisheria   kutoka kwa Kaimu Mkurugenzi wa Huduma za Msaada wa Kisheria Bi. Ester Msambazi, mafunzo ambayo yaliyofanyika jijini Mbeya tarehe 6 -7 Juni, 2024 na kufunguliwa na Waziri mwenye dhamana. 

"Tunawapongeza Idara ya Huduma za Msaada wa Kisheria kwa kufanikisha  mafunzo hayo na  kuendelea kuwajengea uwezo Wasaidizi hao katika kuhakikisha Wizara inawafikia Wananchi katika maeneo mbalimbali na wanahudumiwa na Wataalamu wenye uelewa wa masuala mtambuka ya Kisheria. Jambo la muhimu nasisitiza tuandae orodha "Directory" ya Watoa Huduma za Msaada wa Kisheria Nchini  ili tuweze kuwatambua katika kila Mkoa." Alisema Waziri Chana 

Ikumbukwe kuwa Lengo la uwepo  wa Watoa Huduma za Msaada wa Kisheria kwa kushirikiana na Wataalamu wa Wizara ya Katiba na Sheria ni kusaidia kusikiliza na kushughulikia changamoto za Kisheria zilizopo kwenye maeneo yao hususani changamoto za masuala ya Ardhi, Wosia na Mirathi, Ndoa, Matunzo kwa Watoto na Migogoro mingineyo inayohitaji msaada wa Kisheria.



Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao kati
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more