SIMAMIENI HAKI ZA BINADAMU – CP TENGA


 Kamishna wa Sheria na Uendeshaji wa Magereza Nchini CP Nicodemus Menyamsumba Tenga akitoa hotuba ya utangulizi katika uzinduzi wa Mafunzo ya kuwajengea uwezo maafisa wa Jeshi la Polisi na Magereza katika masuala ya huduma za msaada wa kisheria, Juni 12, 2024 jijini Arusha.

Bi. Veronica Sigalla akimwakilisha Mkurugenzi Mkazi wa UNDP hapa nchini akitoa shukrani kwa Jeshi la Magereza na Polisi kwa ushirikiano katika kutekeleza masuala ya haki nchini, Juni 12, 2024 jijini Arusha.


Msajili wa Watoa Huduma za Msaada wa Kisheria kutoka Wizara ya Katiba na Sheria Bi. Ester Msambazi akielezea jinsi wizara ilivyojipanga katika kuhakikisha msaada wa kisheria unawafikia wananchi.  Juni 12, 2024 jijini Arusha.

Wakili wa Serikali kutoka Wizara ya Katiba na Sheria Bw. Candid Nasua akitoa moja ya mada wakati wa Mafunzo ya kuwajengea uwezo maafisa wa Jeshi la Polisi na Magereza katika masuala ya huduma za msaada wa kisheria,  Juni 12, 2024 jijini Arusha.


Mgeni Rasmi na Meza Kuu wakiwa katika picha ya pamoja na baadhi ya washiriki wa Mafunzo ya kuwajengea uwezo maafisa wa Jeshi la Polisi na Magereza katika masuala ya huduma za msaada wa kisheria,  Juni 12, 2024 jijini Arusha.

xxxxxxxxxxxxxxxxxxxxxxxx

Na Lusajo Mwakabuku – WKS Arusha.

Kamishna wa Sheria na uendeshaji wa Magereza Nchini CP Nicodemus Menyamsumba Tenga amewataka Maafisa wa Jeshi la Polisi na Magereza nchini kuhakikisha wanasimamia haki zote za binadamu katika maeneo yao ya kazi.
 
CP Tenga ameyasema hayo wakati akifungua mafunzo ya kuwajengea uwezo Maafisa wa Jeshi la Polisi na Magereza katika masuala ya huduma za msaada wa kisheria yanayoendelea jijini arusha kwa siku mbili.

Akizungumza katika hafla ya ufunguzi wa mafunzo hayo yaliyoandaliwa na Wizara ya Katiba na Sheria, Mgeni Rasmi  CP Nicodemus Menyamsumba Tenga amewataka maafisa hao kwenda kutekeleza majukumu yao mahususi mara wamalizapo mafunzo hayo ili yakawe na tija na matokeo mazuri ya utoaji haki.
 
“Tunamshukuru sana Rais Samia Suluhu Hassan kwa kuhakikisha watanzania wanapata haki, pamoja na kunufaika na uwepo wa mifumo ya kijinai ya uhakika kwa kuimarisha miundombinu ya utoaji haki na watoa haki za kijinai hapa nchini” Alisema CP Kamishna Tenga
 
CP Tenga aliongezea kuwa wao kama majeshi ya kulinda haki hawatamuangusha Rais Samia bali wataendelea kutembea na maono ya Rais ili kuhakikisha katika Taasisi zote wanazosimamia wananchi wanakwenda kupata haki zao za kimsingi na sio kukiuka haki za binadamu.
 
Mbali na hilo Kamishna CP Tenga ameiomba Wizara ya Katiba na Sheria kuhakikisha hawaishii kutoa mafunzo kwa viongozi wa juu tu bali waendelee kutoa mafunzo kwa makundi mbalimbali ambayo yanasimamia Haki za binadamu katika Taasisi mbalimbali za Kijinai ili kuweza kupata matokeo mazuri katika utoaji haki.
 
Kwa upande wake Msajili wa watoa Huduma za Msaada wa Kisheria kutoka Wizara ya Katiba na Sheria Bi. Ester Msambazi amewataka maafisa hao kuendelea kusimama kwa pamoja ili kuhakikisha haki za wananchi zinapatikana kwa wakati na sehemu yoyote kwani serikali imeboresha maeneo mbalimbali ya huduma za kisheria. 
 
“Tunalishukuru sana Jeshi la Polisi na Magereza kwa ushirikiano wao mkubwa sana katika Wizara yetu katika masuala yetu ya msaada wa kisheria na yamekuwa wadau wakubwa sana katika kuhakikisha wananchi wanapata haki kwa wakati na kwa ufanisi” Alisema Bi. Ester Msambazi 
 
Bi. Veronica Sigalla akimwakilisha Mkurugenzi mkazi wa UNDP hapa nchini amelishukuru Jeshi la Magereza kwa kazi kubwa wanayofanya kwa kushirikiana na Jeshi la Polisi kwa kupunguza kasi kubwa ya malalamiko ya ukiukwaji wa Haki za binadamu kwani bila uongozi mzuri na dhabiti lisingewezekana,pia amewaomba maafisa hao kuendelee kuunga mkono jitihada za kiserikali ili kuhakikisha msaada wa kisheria unaendelea kutolewa.



Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao kati
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more