WANANCHI MAKETE WALALAMIKIA FIDIA UHARIBIFU WA WANYAMAPORI

 

Wakili wa Serikali Mwandamizi kutoka Wizara ya Katiba na Sheria Bw. Richard Jacopio akiwasilisha mada ya sheria kwenye mkutano wa hadhara uliofanyika kijiji cha Ivalalila Kata ya Iwawa, Mei 31, 2024 Makete.


Afisa Wanyamapori kutoka Mamlaka ya Usimamizi wa Wanyamapori Bw. Francis Malembo akiwasilisha mada ya Sheria ya uhifadhi wa wanyamapori kwenye mkutano wa hadhara uliofanyika kijiji cha Ivalalila Kata ya Iwawa, Mei 31, 2024 Makete.

Afisa Msajili Msaidizi RITA Wilaya ya Kyela Bi. Nenduvotho Loy akiwasilisha mada ya Wosia, Mirathi, Usajili wa Vizazi na Vifo kwenye mkutano wa hadhara uliofanyika kijiji cha Ivalalila Kata ya Iwawa, Mei 31, 2024 Makete.

xxxxxxxxxxxxxxxxx

William Mabusi – WKS Makete

Wananchi Wilayani Makete wameiomba Serikali kuongeza fidia inayotolewa kwa wananchi wanaojeruhiwa au kupata ulemavu wa kudumu, familia iliyopoteza ndugu kwa kuuliwa au kuharibiwa mazao na wanyamapori, kwani kiwango cha sasa hakikidhi uharibifu wa wanyamapori hao.

Malalamiko hayo yametolewa na wananchi wa kijiji cha Ivalalila Kata ya Iwawa Halmashauri ya Wilaya ya Makete Mei 31, 2024 kwenye Mkutano wa hadhara baada ya mada mbalimbali kutolewa ikiwemo ya Sheria ya uhifadhi wa wanyamapori ikiwa ni utekelezaji wa kampeni ya kutoa huduma ya msaada wa kisheria ya Mama Samia inayoendelea kutekelezwa kwenye Halmashauri zote Sita mkoani Njombe.

Bw. Amua Mahenge mkazi wa kijiji cha Ivalalila alisema, ”fidia ya uharibifu wa Wanyamapori ni ndogo ukilinganisha na gharama tunazoingia wakulima wakati wa kilimo. Kwa mfano kwenye heka moja tunatumia mifuko mitatu ya mbolea yenye thamani ya zaidi ya shilingi elfu sabini na nne (74,000/-) kwa mfuko mmoja sawa na shilingi 222,000 na hiyo ni gharama ya mbolea tu, halafu  fidia ya Serikali ni sh 100,000 kwa heka iliyoharibiwa na wanyamapori.”

Aidha, wananchi hao walionesha kutoridhishwa kwao kwa fidia ya shilingi laki tano kwa mtu aliyejeruhiwa na mnyamapori na kusababishiwa ulemavu wa kudumu, ila mtu akithibitika kamuua mnyama hukumu yake ni kifungo cha miaka isiyopungua ishirini na isiyozidi thelathini.

Akijibu swali hilo, Afisa Wanyamapori kutoka Mamlaka ya Usimamizi wa Wanyamapori (TAWA) Bw. Francis Malembo amesema viwango vya fidia kutokana na uharibifu wa wanyamapori vimelalamikiwa hata maeneo mengine na Serikali inafanyia kazi marekebisho ya viwango vya fidia, ingawa kwa sasa viwango vya zamani vya kifuta machozi na jasho vya mwaka 2011 vitaendelea kutumika.

Naye Bw. Nowadi Mbilinyi mkazi wa Ivalalila akichangia mada hiyo ameomba TAWA kuruhusu njia ya mkato kwa wananchi kutoka Ivalalila kwenda Kigala Kata ya Kigala  kupitia Pori la akiba la Mpanga Kipengele kwani pori hilo halina wanyama wakali wa kudhuru binadamu.


Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao kati
Read more

TUFANYE KAZI KWA UADILIFU NA USHIRIKIANO - MHE CHANA

Image
  Waziri wa Katiba na Sheria Mhe. Balozi Dkt Pindi Chana akiwa katika picha ya pamoja na watumishi wa Wizara ya Katiba na Sheria leo tarehe 6 Novemba 2023 Jijini Dodoma. Waziri wa Katiba na Sheria Mhe. Balozi Dkt Pindi Chana akitoa ufafanuzi wa Jambo alipkuwa akiongea na    watumishi wa Wizara ya katiba na sheria leo 6 Novemba 2023 jijini Dodoma. Naibu Waziri wa Katiba na Sheria Mhe. Pauline Gekul akiongea na watumishi wa Wizara ya Katiba na Sheria   leo tarehe 6 Novemba 2023 Jijini Dodoma. Watumishi wa Wizara ya Katiba wakimsikiliza waziri alipokuwa akiongea kwenye kikao kazi kilichofanyika leo tarehe 6 Novemba 2023 mtumba jijini Dodoma XXXXXXXXXXXXXXXXXXXXXXXXXXXXXXXXX Na. George Mwakyembe – WKS – Dodoma. Waziri wa Katiba na Sheria Mhe. Balozi Dkt Pindi Chana amewataka watumishi pamoja na menejimenti ya Wizara yake kufanya kazi kwa kujituma, uadilifu na kwa ushirikiano ili kutimiza malengo ya Wizara katika kuwahudumia watanzania. Waziri Chana ameyase
Read more