HUDUMA ZA MSAADA WA KISHERIA ZINAPATIKANA SABASABA BILA MALIPO

 

Naibu Waziri wa Katiba na Sheria Mhe. Jumanne Sagini (kushoto) akimsikiliza  Wakili wa Serikali Mkuu  Candid Nasua kutoka Wizara ya Katiba na Sheria,  akimpa tathmini  kuhusu hali ya utoaji wa huduma za Kisheria na huduma mbalimbali kwa Wananchi wanaotembelea banda hilo. Julai 5, 2024 Dar es Salaam.

Baadhi ya Wananchi wakiwa katika banda la Wizara ya Katiba na Sheria kwa ajili ya kupata huduma mbalimbali kwenye Maonesho ya 48 ya Biashara ya Kimataifa (Sabasaba) Julai 5, 2024 jijini Dar es Salaam.

xxxxxxxxxxxxxx

Hyasinta Kissima – WKS Dar es Salaam

Naibu Waziri wa Katiba na Sheria Mhe. Jumanne Sagini ametaka Wananchi wanaofika katika Maonesho ya 48 ya Kimataifa ya Biashara (Sabasaba) kutembelea katika banda la Wizara ya Katiba na Sheria ili  kutapa huduma mbalimbali ikiwemo Msaada wa Kisheria.

Naibu Waziri Sagini ameyasema hayo Julai 5, 2024 jijini Dar es Salaam  wakati alipotembelea banda la Wizara  kuangalia hali ya upatikanaji wa huduma hizo kwa  Wananchi wanaotembelea banda hilo.

"Wapo Wananchi wanatoka katika maeneo mbalimbali Nchini na wengi kutokea jijini Dar es Salaam  na wanahitaji msaada wa kisheria. Niwasihi sana kufika katika banda la Wizara ya Katiba na Sheria na kupata huduma hizi bure. Wizara imejizatiti kuhakikisha kuwa kila Mwananchi atakayetembelea katika banda na mwenye shida atapata huduma. Wapo Mawakili wa Serikali, Wanasheria  wenye weledi na ambao wapo tayari kuhakisha kuwa haki kwa kila Mtanzania inatendeka." Alisema Naibu Waziri Sagini.

Wakizungumza kwa nyakati tofauti tofauti, baadhi ya Wananchi waliofika katika banda  la Wizara ya Katiba na Sheria akiwemo  Johnson Msemwa na Katarina Mpangilye  wameonesha kufurahishwa na uwepo wa huduma hizo viwanjani hapo jambo ambalo limewawezesha kupata ushauri kuhusu masuala  ya kisheria yaliyokuwa yakiwakabili.

“Nilikuwa nina changamoto kuhusu malezi ya watoto mara baada ya kutengana na mzazi mwenzangu. Nimefika katika banda hili la Katiba na Sheria nimepata elimu ya kutosha na Wataalamu wamenisaidia kufanya mawasiliano na mzazi mwenzangu na kupanga namna ya kuweza kufikisha huduma za matunzo kwa watoto.” Alisema mama mmoja ambaye hakupenda jina lake litajwe.

Kwa upande wake Kaimu Mkurugenzi wa Kitengo cha Huduma za Msaada wa Kisheria kutoka Wizara ya Katiba na Sheria Bi. Ester Msambazi amesema kuwa mpaka sasa Kampeni hiyo imeshafika katika mikoa 7 na kufikia zaidi ya Wananchi   495,000 wakiwemo Wanawake, Wanaume na Watoto na wengi wamenufaika kwa kupata elimu, ushauri na utatuzi wa migogoro yao.

Wizara ya Katiba na Sheria katika Maonesho ya 48 ya Kimataifa ya Biashara itaendelea kutoa huduma mbalimbali na kutatua changamoto mbalimbali za Wananchi ikiwemo migogoro ya Ardhi, Ndoa, Mirathi, ukatili wa kijinsia.



Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more