TUISHAURI SERIKALI TUSIKAE KIMYA - SAGINI

 

Naibu Waziri wa Katiba  na Sheria Mhe. Jumanne Sagini akizungumza na Watumishi wa Ofisi ya Mwanasheria Mkuu wa Serikali (hawapo pichani) Julai 2, 2024 wakati alipowatembelea jijini Dodoma kwa lengo la kujitambulisha na kufahamu majukumu yao.

Naibu Mwanasheria Mkuu wa Serikali Mhe. Prof. Kennedy Gastorn akiwasilisha taarifa ya utekelezaji wa Ofisi hiyo kwa Naibu Waziri wa Katiba na Sheria Mhe. Jumanne Sagini, Julai 2, 2024 Jijini Dodoma.

Naibu Katibu Mkuu Wizara ya Katiba na Sheria Dkt. Khatibu Kazungu akizungumza na Watumishi wa Ofisi ya Mwanasheria Mkuu wa Serikali (hawapo pichani) Julai 2, 2024 jijini Dodoma.

Kikao cha Menejimenti ya Ofisi ya Mwanasheria Mkuu wa Serikali pamoja  na Naibu Waziri wa Katiba na Sheria Julai 2, 2024  jijini Dodoma.

Watumishi wa Ofisi ya Mwanasheria Mkuu wa Serikali wakimsikiliza Naibu Waziri wa Katiba na Sheria Mhe. Jumanne Sagini alipowatembelea jijini Dodoma Julai 2, 2024.

xxxxxxxxxxxxxxxxxxxxxxxxxx

Hyasinta Kissima - WKS Dodoma

Naibu Waziri wa Katiba na Sheria Mhe. Jumanne Sagini ameipongeza Ofisi ya Mwanasheria Mkuu wa Serikali kwa kuendelea kusimamia  jukumu lake la msingi la kuishauri Serikali katika masuala yote ya Kisheria ndani na Nje ya Nchi ambapo ameelekeza Ofisi hiyo kuendelea kusimamia haki, uadilifu na kuishauri Serikali kwa hekima na heshima.

Naibu Waziri Sagini aliyasema hayo Julai 2, 2024  jijini Dodoma, wakati akizungumza katika kikao na Menejimenti na Watumishi wa Ofisi ya Mwanasheria Mkuu wa Serikali.

Mhe. Sagini amesema kuwa  katika uandaaji wa Sheria inapoonekana kunaweza kuibuka ukakasi katika utekelezaji wake ni  vyema Ofisi hiyo ikatoa taarifa mara moja kwa Viongozi na kushauri ipasavyo   ili kuzuia madhara kwa Serikali na Wananchi.

"Ninyi ni Taasisi ya Kikatiba. Tunaona jitihada kubwa zinazofanywa katika kuimarisha msaada wa Kisheria ikiwa ni pamoja na kuendelea kusimamia nidhamu ya Mawakili wa kujitegemea kwani wapo ambao wanawaonea Wananchi. Panapotokea jambo ambalo mnaona Kisheria linaweza kuleta maneno ni vyema mkaliwasilisha na mkatumia taaluma yenu kushauri badala ya kukaa kimya. Mnafanya kazi kubwa sana endeleeni kutimiza wajibu wenu  kwa maslahi makubwa ya Nchi yetu na pia endeleeni kuimarisha umoja na mshikamano pahala pa kazi." Alisema Naibu Waziri Sagini.

Kwa upande wake Naibu Katibu Mkuu Wizara ya Katiba na Sheria Dkt. Khatibu Kazungu amesema kuwa, Wizara kwa sasa imeanza kuandaa maandiko ya miradi mbalimbali ikiwemo mradi wa kuwajengea uwezo Wanasheria ikiwemo Ofisi ya Mwanasheria Mkuu wa Serikali na moja kati ya mambo yaliyokusudiwa kupitia mradi huo ni kuimarisha utendaji kazi  wa Wanasheria katika maeneo mbalimbali yanayoibuka kwenye taaluma hiyo na ambayo mara nyingi hayapatikani katika Vyuo hapa Nchini.

Awali akiwasilisha taarifa ya utekelezaji wa majukumu ya Ofisi hiyo kwa Naibu Waziri, Naibu Mwanasheria Mkuu wa Serikali, Mhe. Prof. Kennedy Gastorn amesema Ofisi ya Mwanasheria Mkuu wa Serikali kwa kipindi cha mwaka 2023/2024, imepata mafanikio kadha wa kadha ikiwa ni katika  kufanikisha Urekebu wa Sheria kuu 446 ili toleo la Sheria lililofanyiwa urekebu kwa mwaka 2023 liweza kutoka, kufanya tafsiri ya Sheria 300, kuhakiki Sheria ndogo 1228, kufanya upekuzi kwa hati za makubaliano 34, kutoa maoni 1707 kwenye Wizara na Taasisi na kufanikisha miswada 19 iliyoandaliwa ambapo miswada 17 ilipitishwa na Bunge la Jamhuri ya Muungano wa Tanzania kuwa Sheria.





Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more