WAZIRI CHANA NA BALOZI POSSI WAKUBALIANA KUIMARISHA UTENDAJI KAZI WA WATUMISHI

 

Waziri wa Katiba na Sheria Mhe. Balozi Dkt. Pindi Chana akisalimiana na Mwakilishi wa Kudumu wa Jamhuri ya Muungano wa Tanzania, Geneva Switzerland Mhe. Balozi Dkt. Abdallah Possi, Julai 01, 2024 Geneva Switzerland.

Waziri wa Katiba na Sheria Mhe. Balozi Dkt. Pindi Chana akishiriki kikao cha 56 cha Baraza la Haki za Binadamu kinachoendelea jijini Geneva – Switzerland, Julai 01, 2024.

Katibu Mkuu Wizara ya Katiba na Sheria Bi. Mary Makondo akiongea wakati ujumbe wa Waziri wa Katiba na Sheria ulipokutana na kufanya mazungumzo na Mwakilishi wa Kudumu wa Jamhuri ya Muungano wa Tanzania, Geneva Switzerland Mhe. Balozi Dkt. Abdallah Possi, Julai 01, 2024.

MKurugenzi Idara ya Haki za Binadamu Wizara ya Katiba na Sheria Bi. Nkasori Sarakikya akiteta jambo na Mwakilishi wa Kudumu wa Jamhuri ya Muungano wa Tanzania, Geneva Switzerland Mhe. Balozi Dkt. Abdallah Possi, Julai 01, 2024 Geneva Switzerland.

Mwakilishi wa Kudumu wa Jamhuri ya Muungano wa Tanzania, Geneva Switzerland Mhe. Balozi Dkt. Abdallah Possi, akiongea na Waziri wa Katiba na Sheria Mhe. Balozi Dkt. Pindi Chana na ujumbe alioambatana nao, Julai 01, 2024 Geneva Switzerland.

xxxxxxxxxxxxxxxxxxxxxxx

Na Lusajo Mwakabuku – WKS Geneva, Switzerland

Waziri wa Katiba na Sheria Mhe. Balozi Dkt. Pindi Hazara Chana amekutana na kufanya mazungumzo na Mwakilishi wa Kudumu wa Jamhuri ya Muungano wa Tanzania, Geneva Switzerland Mhe. Balozi Dkt. Abdallah Possi ambapo Waziri Chana alitumia nafasi hiyo kumwomba Balozi Possi kuangalia fursa mbalimbali ambazo watumishi kutoka Wizara ya Katiba na Sheria wanaweza kuzipata hapa Geneva.

Waziri Chana amezungumza hayo leo tarehe 01/07/2024 alipofika katika katika Ofisi ya Ubalozi jijini Geneva ikiwa ni sehemu ya ushiriki wa Mhe. Waziri na ujumbe wake katika kikao cha 56 cha Baraza la Haki za Binadamu kinachoendelea jijini Geneva - Switzerland.

Akizitaja fursa hizo, Waziri Pindi Chana alisema ushiriki wa wataalam wetu katika vikao na warsha mbalimbali ni muhimu lengo likiwa ni kuhakikisha nchi inapata uwakilishi wa kutosha katika maeneo mbalimbali na hivyo kutangaza vizuri nchi yetu katika anga za kimataifa lakini pia watumishi wakiongeza uelewa katika utendaji kwa kubadilishana uzoefu na watumishi kutoka mataifa mengine.

Aidha, Waziri Pindi Chana akaongeza kuwa kutokana na maendeleo ya kiteknolojia Balozi anaweza watafutia nafasi za kushiriki warsha kwa njia ya mtandao (Zoom n.k) ambavyo si lazima mshiriki kuwepo eneo ambalo mkutano unafanyikia.

Akizungumza baada ya maelezo ya Waziri, Katibu Mkuu Wizara ya Katiba na Sheria Bi. Mary Makondo amesema Wizara kwa upande wa Tanzania Bara kwa kushirikiana na Serikali ya Mapinduzi Zanzibar inaendelea na jitihada mbalimbali katika  kuhakikisha kuwa haki za binadamu zinaendelea kuimarishwa nchini Tanzania. Aidha, akasisitiza kwa upande Ubalozi kuweza kutafuta nafasi mbalimbali zikiwemo internship kwa lengo la kuongeza uwezo wa kufikiri kwa wataalam baada ya kupata uzoefu kutoka mataifa mengine.

Akiongelea kuhusu suala la kujengea uwezo watumishi, Balozi Possi alikubali kuwa suala hilo ni mtambuka na lina tija hivyo akaomba yaainishwe mahitaji kwa maandishi katika maeneo ambayo Wizara ingependa wataalam wajengewe uwezo ili yeye na Ofisi yake aweze kuwasiliana na Wadau na kuona jinsi ya kuliwezesha hilo huku akikiri kuwa suala hilo linatekelezeka.

Kikao cha 56 cha Baraza la Haki za Binadamu kinaendelea leo jijini Geneva- Switzerland katika ofisi za Makao Makuu ya Umoja wa Mataifa ambapo leo mada iliyojadiliwa ni kuhusu utunzaji wa mazingira na masuala ya mabadiliko ya tabianchi.






Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more