BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024.

Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024.

Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024.

xxxxxxxxxxxxxxxxxxxxxxxx

Na Lusajo Mwakabuku – WyKS Iringa

Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao.

Bodi hiyo ikiongozwa na Mwenyekiti Bwana Saulo Malauri, imefanya ziara hiyo leo tarehe 24 Oktoba, 2024 ikianzia katika Wilaya ya Kilolo katika Shirika la Kilolo Paralegal Unit na kuelekea Iringa Mjini ambapo moja kati ya changamoto zilizoelezwa na watoa huduma ni muingiliano unaoonekana ni wa kimaslahi na taasisi nyingine zinazoshughulikia masuala ya haki.

Akimtaarifu  Mwenyekiti wa Bodi na wajumbe wake,  Bwana Manase ambaye ni Mratibu wa Shirika hilo amesema kutokana na uhalisia kuwa mashirika ya msaada wa kisheria yanatoa msaada wa kisheria bila malipo yeyote, mara kwa mara wamejikuta katika mikwaruzano na baadhi ya taasisi na wananchi wengine ambao wanaendesha kazi za huduma za kisheria kwa malipo kwa madai kuwa wanawapunguzia wateja.

Mwenyekiti wa bodi Bw. Malauri akaelezea kuwa mchanganyiko huo unaoleta msuguano unatokana na uelewa mdogo juu ya mipaka ya majukumu ambayo wasaidizi wa sheria wanatakiwa kuitambua na kushauri elimu zaidi itolewe kwa umma juu ya ukomo kitu ambacho mtoa msaada wa kisheria anakomea.

“Kinachojitokeza hapa na kusababisha huu mwingiliano ni uelewa mdogo juu ya mipaka ya utekelezaji kwamba paralegal anaanzia wapi mpaka wapi na hao wengine wanafanya nini! Naamini kuwa hili likielimishwa basi hii migogoro itakwisha kwani paralegal hawaendi Mahakamani” Alisema Mwenyekiti Malauri.

Aidha Mwenyekiti akatumia nafasi hiyo kutoa rai kwa zile taasisi ambazo zinapenda kutumia migogoro ya wananchi kama chanzo cha mapato kitu ambacho si kizuri kwa jamii lakini pia sio tamanio la Serikali na pia sio sababu zilizopelekea kuanzishwa kwa sheria hizi.

Kwa upande wake Katibu wa Bodi hiyo ambaye ni Msajili wa Watoa Huduma za Msaada wa Kisheria na pia ni Mkurugenzi wa Huduma za Msaada wa Kisheria kutoka Wizara ya Katiba na Sheria Bi. Ester Msambazi alisema Kikao hicho cha siku mbili kilichojumuisha pia ziara ya kuwatembelea watoa huduma ambapo bodi imeshuhudia hali halisi ya utekelezaji kimekuwa na manufaa hasa katika kuelewa changamoto zinazohusiana na Msaada wa Kisheria.

“Katika ziara hii tumeweza kukutana na mambo mbalimbali ambayo yameisaidia Bodi kutambua changamoto hizo kwa kuzishuhudia zikiwemo uhitaji wa wasaidizi zaidi wa kisheria kutokana na jiografia ya maeneo husika lakini pia tumewasikia wasaidizi wakisheria wakiomba ‘refreshers course’ ili waweze kuendana na mabadiliko mbalimbali yanayotokea katika sheria na hilo ni suala ambalo tutalifanyia kazi,” alisema Msajili Ester.

Aidha, Msajili alisema anajipanga na timu yake kuhakikisha kuwa wanakuwa wanawatembelea wasaidizi wa kisheria nchi nzima katika maeneo yao mara kwa mara kwa lengo la kuongeza ufanisi na hivyo kupunguza mlundikano wa mashauri au migogoro ambayo yanaweza kumalizikia katika ngazi hiyo ya chini na hivyo kumpunguzia gharama mwananchi ambalo ndio lengo la uanzishwaji wa sheria hii.

 

Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more