SERIKALI INA DHAMIRA THABITI YA KUWALINDA WATOTO DHIDI YA UKATILI


 Naibu Katibu Mkuu Wizara ya Katiba na Sheria Dkt. Franklin Rwezimula na Wakili Bonifasi K. Mwabukusi – rais wa TLS wakishiriki matembezi ya amani dhidi ya vitendo vya ukatili na mauaji kwa watoto tarehe 18/10/2024 jijini Dar es salaam.


Naibu Katibu Mkuu wa Katiba na Sheria Dkt. Franklin Rwezimula na Wakili Bonifasi K. Mwabukusi – rais wa TLS pamoja na Mawakili wakiwasili katika viwanja vya Mnazi Mmoja baada ya matembezi ya amani dhidi ya vitendo vya ukatili na mauaji kwa watoto tarehe 18/10/2024 jijini Dar es salaam.

Mkurugenzi Msaidizi Idara ya Katiba na Ufuatiliaji Haki kutoka Wizara ya Katiba na Sheria Bi. Beatrice Mpembo akipokea tuzo ya cheti  cha udhamini kwa niaba ya Wizara ya Katiba na Sheria kwenye matembezi ya amani dhidi ya vitendo vya ukatili na mauaji kwa watoto tarehe 18/10/2024 jijini Dar es salaam.

Naibu Katibu Mkuu Wizara ya Katiba na Sheria Dkt. Franklin Rwezimula akiambatana na Wakili Bonifasi K. Mwabukusi – rais wa TLS wakitembelea banda la kutolea huduma za masada wa kisheria la Wizara ya Katiba na Sheria tarehe 18/10/2024 jijini Dar es salaam.

Naibu Katibu Mkuu Wizara ya Katiba na Sheria Dkt. Franklin Rwezimula akimsikiliza Mteja katika banda la Wizara ya Katiba na Sheria, tarehe 18/10/2024 jijini Dar es salaam.

Wakili wa Serikali kutoka Katiba na Sheria Bi. Agness Mkawe akishiriki katika matembezi ya amani ya kupinga ukatili dhidi ya watoto tarehe 18/10/2024 jijini Dar es salaam.


xxxxxxxxxxxxxxxx

Na Lusajo Mwakabuku – WyKS Dar es salaam

Naibu Katibu Mkuu Wizara ya Katiba na Sheria Dkt. Franklin Rwezimula ameongoza matembezi ya amani na kushuhudia utolewaji wa Msaada wa Kisheria dhidi ya vitendo vya ukatili na mauaji kwa watoto, hafla iliyoandaliwa na Tanganyika Law Society (TLS) akimwakilisha Katibu Mkuu wa Katiba na Sheria Bwana Eliakim Maswi.

Katika hafla hiyo iliyofanyika tarehe 18/10/2024 Naibu Katibu Mkuu amemesema Tanzania ni moja ya nchi zenye Mfumo wa Kisheria thabiti inayowalinda Watoto dhidi ya vitendo vya ukatili. Hata hivyo, kutokana na kukua kwa maendeleo ya kiteknolojia, vitendo vya ukatili dhidi ya Watoto vimekuwa vikiibuka katika namna tofauti tofauti. Jambo hili, limepelekea Serikali kwa kushirikiana na wadau, kuendelea kuchukua hatua na mbinu mbalimbali katika kukabiliana navyo.

Akivitaja baadhi ya vifungu vya sheria vinavyomlinda mtoto, Naibu Katibu Mkuu alisema Sheria ya Mtoto Sura ya 13, inatoa mfumo mpana wa haki na ulinzi wa Watoto dhidi ya unyanyasaji na unyonyaji. Akaongeza kuwa Sheria inawapa jukumu wazazi na jamii kwa ujumla kusimamia na kulinda haki za Watoto ikiwemo haki ya kupata elimu, afya, malazi, chakula, malazi na kuwalinda dhidi ya vitendo vya kijinai kwa mujibu wa Sheria za nchi.

“Ulinzi wa mtoto umeanzia kwenye Katiba ya Jamhuri ya Muungano wa Tanzania 1977, kwani imeweka mifumo ya kisheria wa ulinzi wa haki za watoto. Kupitia, Ibara ya 14 inatambua haki ya kuishi, wakati Ibara ya 13 inahakikisha usawa mbele ya Sheria na ulinzi dhidi ya ubaguzi wa aina yoyote. Masharti haya ni muhimu kwani yanaweka msingi wa kuwalinda watoto dhidi ya ukatili na ubaguzi,” alisema Dr. Rwezimula.

Akitoa salamu za awali kabla ya kumkaribisha mgeni rasmi, Wakili Bonifasi K. Mwabukusi – rais wa TLS aliwataka watanzania wote kujitokeza kwa wingi katika kujiandikisha kwenye daftari la wapiga kura ili waweze kuchagua viongozi wanaodhani wanafaa na watakaoweza kulinda haki za watoto.

Kutokujiandikisha kupiga kura ni ukatili kwa Watoto, kutojiandikisha kunatoa fursa ya kupata viongozi wasio bora ambao watashindwa kulinda haki za Watoto. Hivyo hata nyie Mawakili msipojiandikisha maana yake mnakuwa mawakala wa ukatili huu. Jitokezeni kujiandikisha  na pia wote tupige kura”. Alisema Mwabukusi.

Aidha Mwabukusi akatumia nafasi hiyo kuipongeza Wizara ya Katiba na Sheria kwa kuwa Wizara haijawajengea ukuta bali imekuwa “Proactive” huku akihimiza Wizara taasisi nyingine ziige mfano wa MoCLA na kutoiogopa TLS kwani Kazi ya TLS ni kuhakikisha utawala bora na si vinginevyo.

Akisoma risala ya Mawakili wanawake wa Chama cha Wanasheria Tanganyika, Wakili Laetitia Petro Ntagazwa  ambaye ni Makamu wa rais wa TLS na Mwenyekiti wa Kamati ya Maandalizi alisema wanashukuru kwa kiasi kikubwa kwani Serikali imeendelea kuonesha ushirikiano mzuri hasa mara baada ya uongozi mpya wa TLS kuingia madarakani na wakaomba Serikali iweze kuwatengea bajeti katika utekelezaji wa majukumu yao. Pia wakaishukuru Wizara ya Katiba na Sheria kwa kushirikiana nao kupitia Mradi wa Mama Samia Legal Aid Kampeni na wakaahidi kuendelea kushirikiana vema kufanikisha malengo yaliyokusudiwa.



Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more