RAIS SAMIA ANATAKA MIGOGORO IFIKIE MWISHO - WAZIRI NDUMBARO


 xxxxxxxxxxxxxxxxx

Akizungumza wakati wa uzinduzi wa Kampeni ya Msaada wa Kisheria ya Mama Samia katika Wilaya ya Kilombero Kijiji cha Mkamba, tarehe 14 Desemba, 2024 Waziri wa Katiba na Sheria Mhe. Dkt. Damas Ndumbaro amesema kuwa Kampeni hiyo ni utekelezaji wa maelekezo ya Rais wa Jamhuri ya Muungano wa Tanzania Mhe. Dkt. Samia Suluhu Hassan ikiwa ni kuonesha mapenzi makubwa aliyonayo kwa Watanzania kwa kuwafikishia huduma za Msaada wa Kisheria bure.

Waziri Ndumbaro amesema kuwa, utekelezaji wa Kampeni hiyo utawasaidia Wananchi katika utatuzi wa Changamoto za Kisheria ikiwa ni pamoja na kupeleka huduma za Msaada wa Kisheria karibu na Wananchi.

"Utoaji wa Msaada wa Kisheria bure kwa Watanzania ni jambo ambalo halijawahi kutokea tangu Uhuru. Hii inaonesha ni kwa namna gani Rais anawajali Wananchi wake."Alisema Ndumbaro.

Aliendelea kusema, "Utekelezaji wa Huduma ya Msaada wa Kisheria ni maelekezo mahususi yaliyotolewa kwa Wizara na Mhe. Rais ambapo aliiagiza Wizara iandae Programu itakayomwezesha kila Mtanzania kupata Msaada wa Kisheria bure kwa Watanzania." Alisema.

Mkurugenzi wa Huduma za Msaada wa Kisheria kutoka Wizara ya Katiba na Sheria Bi. Ester Msambazi amesema kuwa Kampeni hiyo imekuwa na mwitikio mkubwa katika maeneo ambayo imeshatekelezwa na imewawezesha Wananchi kupata elimu na misaada mbalimbali ya Kisheria.

Ametoa wito kwa Wananchi wenye changamoto za Kisheria katika Mkoa wa Morogoro kujitokeza kwa wingi katika muda huu wa Kampeni ili kuweza kuwasilisha migogoro yao.

Awali Mkuu wa Wilaya ya Kilombero Mhe. Dunstan Kyobya amesema changamoto kubwa zinazoikabili Wilaya hiyo ni pamoja na Wananchi kuvamia katika maeneo ya hifadhi, migogoro ya ardhi, migogoro ya Wakulima na Wafugaji, mgawanyo wa mali na migogoro ya ndoa.

Kampeni hiyo inayotekelezwa katika Halmashauri za Mkoa wa Morogoro ilizinduliwa rasmi tarehe 13, Desemba 2024 na Waziri wa Katiba na Sheria Mhe. Dkt. Damas Ndumbaro na inatarajiwa kutekelezwa kwa muda wa siku 9 ambapo Mkoa wa Morogoro ni Mkoa wa 11 tangu kuanza kwa utekelezaji wa Kampeni hiyo.


Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more