UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma.

Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma.

Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dodoma.

xxxxxxxxxxxxxxxxxxxxxx

Waziri wa Katiba na Sheria Mhe. Prof Palamagamba John Kabudi tarehe 04 Desemba, 2024 amekutana na kufanya kikao na  Rais wa Mahakama ya Afrika ya Haki za Binadamu na Watu Mhe. Jaji Imani Aboud aliyeambatana  na ujumbe  kutoka Mahakama hiyo iliyopo jijini Arusha.

Katika mazungumzo  hayo yaliyofanyika katika ukumbi wa Wizara Mtumba, jijini Dodoma viongozi hao wamejadili kuhusu nafasi ya Mahakama  ya Afrika ya Haki za Binadamu na Watu katika kusimamia na kulinda Haki za Binadamu na Watu wa Afrika.

Waziri Kabudi amesema yapo maeneo ambayo yanahitaji kuboreshwa zaidi katika Mahakama ili kuimarisha mahusiano mazuri yaliyopo ambapo pia wamejadili changamoto zinazoikabili sekta ya Mahakama ambapo wamekubaliana kuendeleza majadiliano kwa ajili ya kuzifanyia kazi changamoto hizo ili kuiwezesha Mahakama kutimiza majukumu yake ambayo imepewa chini ya Mkataba wa kuanzishwa kwa Mahakama hiyo.

Sambamba na hilo maeneo mengi ya majadiliano ni pamoja na kuimarisha ushirikiano katika eneo la Rasilimali Watu ili kuwajengea uwezo Maafisa wa Mahakama kwa kupata mafunzo na uzoefu katika Mahakama hiyo ili Tanzania iweze kutoa mchango wake katika utekelezaji wa kazi za Mahakama hiyo.

Viongozi hao pia wamepitia mambo ambayo Tanzania inawajibu wa kuyatekeleza chini ya Mkataba wa kuwa  Mwenyeji wa Mahakama hiyo.

Katika hatua nyingine Waziri Kabudi amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuridhia kutoa fedha  kwa ajili ya ujenzi wa jengo kubwa la Mahakama Afrika, ambapo amesema kuwa mambo mengi yanayofanywa katika Mahakama hiyo yanaendana na utekelezaji wa falsafa ya 4R ya Rais wa Jamhuri ya Muungano wa Tanzania Mhe. Dkt. Samia Suluhu Hassan ambayo ni Maridhiano, Ustahimilivu, Kuboresha na Kujenga upya.

Waziri Kabudi amesema kuwa kwa sasa Wizara inaandaa Muswada wa utekelezaji wa mapendekezo ya Tume ya Haki Jinai na katika kufanya hivyo miongoni mwa nyaraka zitakazotumika ni pamoja na maamuzi ya Mahakama ya Afrika ya Haki za Binadamu na Watu.


 

Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more