JAPAN KUSHIRIKIANA NA WIZARA KUENDELEZA SEKTA YA SHERIA NCHINI

 

Waziri wa Katiba na Sheria Mhe. Dkt. Damas Ndumbaro akimkabidhi zawadi Balozi wa Japan nchini Tanzania Mhe. Yasushi Misawa wakati Balozi huyo alipomtembelea Waziri katika Ofisi za Wizara Mtumba, jijini Dodoma tarehe 8 Januari, 2025 kwa lengo la kumuaga baada ya kumaliza muda wake nchini.

Waziri wa Katiba na Sheria Mhe. Dkt. Damas Ndumbaro akiwa ameambatana na ugeni kutoka Ubalozi wa Japan nchini Tanzania ukiongozwa na Mhe. Balozi Yasushi Misawa wakati alipomtembelea Waziri katika Ofisi za Wizara Mtumba jijini Dodoma tarehe 8 Januari, 2025 kwa lengo la kumuaga baada ya kumaliza muda wake nchini.

xxxxxxxxxxxxxxxxxxx

Waziri wa Katiba na Sheria Mhe. Dkt. Damas Ndumbaro leo tarehe 8 Januari, 2025 amekutana na kufanya mazungumzo na Balozi wa Japan nchini Tanzania Mhe. Yasushi Misawa alipomtembelea Mhe. Waziri katika Ofisi za Wizara Mtumba jijini Dodoma kwa lengo la kumuaga baada ya kumaliza muda wake nchini.

Katika mazungumzo hayo yaliyohudhuriwa na Katibu Mkuu wa Wizara Bw. Eliakim Maswi, Naibu Katibu Mkuu Dkt. Franklin Rwezimula na baadhi ya Wajumbe wa Menejimenti ya Wizara Viongozi hao walijadiliana ni kwa namna gani mahusiano baina ya nchi hizo  yamekuwa yakiimarika katika sekta mbalimbali za kimaendeleo.

Kwa upande wake Waziri wa Katiba na Sheria Mhe. Dkt. Damas Ndumbaro  amempongeza Mhe. Balozi kwa kazi kubwa aliyoifanya na amesema kuwa Tanzania inathamini ushirikiano uliopo kati ya nchi hizi hususan kupitia Shirika la Maendeleo la Kimataifa la Japani (JICA) ambalo limekuwa likitekeleza miradi mbalimbali ya maendeleo.

Waziri Ndumbaro ameongezea kuwa yapo maeneo katika sekta ya Sheria ambayo Nchi ya Japan kwa kushirikiana na Tanzania wanaweza kubadilishana uzoefu ili kuweza kusaidia Wananchi hususan katika maeneo ya vijijini ikiwa ni pamoja na masuala ya upatikanaji haki pamoja na utatuzi wa migogoro.

Kwa upande wake Balozi Misawa amesema kuwa wataendelea kudumisha uhusiano uliopo baina ya Tanzania na Japan hususan katika sekta ya Sheria kwa kuwajengea uwezo Wataalamu  na kubadilishana uzoefu katika masuala ya utatuzi wa migogoro na usuluhishi.



Comments

Post a Comment

Popular posts from this blog

USAJILI WA VIZAZI NA VIFO NI TAKWA LA KISHERIA

Image
Waziri wa Katiba na Sheria Mhe. Balozi Dkt. Augustine Mahiga akizindua zoezi la uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani  uliofanyika katika viwanja vya uwanja wa Ndege Mkoa wa Morogoro.   Waziri wa Katiba na Sheria Mhe. Balozi Dkt. Augustine Mahiga akionesha cheti cha kuzaliwa kwa wananchi waliofika kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani. Naibu Katibu Mkuu wa Wizara ya Katiba na Sheria Ndg. Amon Mpanju akiongea na wananchi kwenye uzinduzi wa uandikishaji wa watoto wa umri chini ya miaka mitano na ugawaji wa vyeti kwa watoto hao katika mikoa ya Morogoro na Pwani.   Waziri wa Katiba na Sheria Mhe. Balozi Dkt. Augustine Mahiga akiangalia cheti cha kuzaliwa mtoto baada ya kuandikishwa  kwenye uzinduzi wa uandikishaji wa watoto wa umri chini ya miaka mitano na ugawaji wa vyeti ...
Read more

UONGOZI WA MAHAKAMA YA AFRIKA YA HAKI ZA BINADAMU NA WATU YAKUTANA NA VIONGOZI WA WIZARA YA KATIBA NA SHERIA

Image
Rais wa Mahakama ya Afrika ya Haki za Binadamu na Watu Mhe. Jaji Imani Aboud akimkabidhi zawadi Waziri wa Katiba na Sheria Mhe. Prof. Palamagamba John Kabudi mara baada ya kukutana na Uongozi wa Mahakama hiyo, tarehe 04, Desemba 2024 Mtumba, jijini Dodoma. Rais wa Mahakama ya Afrika ya Haki za Binadamu na Watu Mhe. Jaji Imani Aboud akiteta jambo na Katibu Wizara ya Katiba na Sheria Bw. Eliakim Maswi akiwa pamoja na Naibu Katibu Dkt. Franklin Rwezimula mara baada ya kukamilika kwa mazungumzo baina ya Viongozi hao tarehe 04 Desemba, 2024 katika ukumbi wa Wizara Mtumba, jijini Dodoma. Waziri wa Katiba na Sheria Mhe. Prof. Palamagamba Kabudi akiwa katika picha ya pamoja na Rais wa Mahakama ya Afrika ya Haki za Binadamu na Watu Mhe. Jaji Imani Aboud (wa kwanza kulia kwa Waziri) pamoja na Viongozi wa Mahakama hiyo na Viongozi wa Wizara mara baada ya kukamilika kwa mazungumzo baina ya Viongozi hao, tarehe 04 Desemba, 2024 katika ukumbi wa Wizara Mtumba, jijini Dod...
Read more

BODI YA KITAIFA YA USHAURI YA MSAADA WA KISHERIA YATEMBELEA WASAIDIZI WA KISHERIA IRINGA

Image
Mwenyekiti wa Bodi ya Kitaifa ya Ushauri ya Msaada wa Kisheria Bwana Saulo Malauri akifafanua jambo ikiwa ni sehemu ya ziara ya bodi hiyo kutembelea mashirika wa wasaidizi wa kisheria Mkoani Iringa, 24/10/2024. Mratibu wa Shirika la Kilolo Paralegal Unit  akitoa Maelezo ya utekelezaji kwa Bodi ya Kitaifa ya Ushauri ya Msaada wa Kisheria ilipofika katika ofisi za shirika zilizopo Ilula wilayanii Kilolo tarehe 24/10/2024. Wajumbe wa Bodi na wasaidizi wa kisheria wa Kilolo Paralega Unit wakiwa katika picha ya pamoja mara baada ya kumaliza mazungumzo patika shirika hilo. Tarehe 24/10/2024. xxxxxxxxxxxxxxxxxxxxxxxx Na Lusajo Mwakabuku – WyKS Iringa Bodi ya Kitaifa ya Ushauri ya Msaada wa Kisheria ikiwa katika kikao kazi cha Kumi kinachofanyika kwa siku mbili Mkoani Iringa imefanya ziara ya kuwatembelea watoa huduma za msaada wa kisheria waliopo Iringa Mjini na Wilaya ya Kilolo kwa lengo la kukagua utekelezaji wa majukumu yao na kubaini changamoto zao. Bodi hiyo ...
Read more